ഛത്തിസ്ഗഢിൽ ഏറ്റുമുട്ടൽ; 22 നക്സലുകൾ കൊല്ലപ്പെട്ടു

ബി​ജാ​പു​ർ: ഛത്തി​സ്ഗ​ഢി​ലെ ബി​ജാ​പു​ർ ജി​ല്ല​യി​ൽ സു​ര​ക്ഷാ​സേ​ന​യു​മാ​യു​ള്ള ഏ​റ്റു​മു​ട്ട​ലി​ൽ 22 ന​ക്സ​ലു​ക​ൾ കൊ​ല്ല​പ്പെ​ട്ടു. ക​രേ​ഗു​ട്ട കു​ന്നു​ക​ളി​ലെ വ​ന​പ്ര​ദേ​ശ​ത്ത് ബു​ധ​നാ​ഴ്ച രാ​വി​ലെ​യാ​ണ് ഏ​റ്റു​മു​ട്ട​ലു​ണ്ടാ​യ​ത്. ഇ​തോ​ടെ ഓ​പ​റേ​ഷ​ൻ സ​ങ്ക​ൽ​പ് എ​ന്ന പേ​രി​ൽ സം​സ്ഥാ​ന​ത്ത് ആ​രം​ഭി​ച്ച ന​ക്സ​ൽ വി​രു​ദ്ധ ന​ട​പ​ടി​യു​ടെ ഭാ​ഗ​മാ​യി കൊ​ല്ല​പ്പെ​ട്ട​വ​രു​ടെ എ​ണ്ണം 26 ആ​യി. നൂ​റു​ക​ണ​ക്കി​ന് ന​ക്സ​ൽ ഒ​ളി​ത്താ​വ​ള​ങ്ങ​ളും ബ​ങ്ക​റു​ക​ളും ത​ക​ർ​ത്തു​വെ​ന്നും സ്ഫോ​ട​ക​വ​സ്തു​ക്ക​ൾ, ഡി​റ്റ​ണേ​റ്റ​റു​ക​ൾ, മ​രു​ന്നു​ക​ൾ തു​ട​ങ്ങി​യ​വ​യു​ടെ വ​ൻ ശേ​ഖ​രം പി​ടി​ച്ചെ​ടു​ത്ത​താ​യും ഉ​ദ്യോ​ഗ​സ്ഥ​ർ പ​റ​ഞ്ഞു. ന​ട​പ​ടി തു​ട​രു​മെ​ന്ന് അ​ധി​കൃ​ത​ർ കൂ​ട്ടി​ച്ചേ​ർ​ത്തു.

ജി​ല്ല റി​സ​ർ​വ് ഗാ​ർ​ഡ്, ബ​സ്ത​ർ ഫൈ​റ്റേ​ഴ്‌​സ്, സ്പെ​ഷ​ൽ ടാ​സ്‌​ക് ഫോ​ഴ്‌​സ്, പൊ​ലീ​സ്, സെ​ൻ​ട്ര​ൽ റി​സ​ർ​വ് പൊ​ലീ​സ് ഫോ​ഴ്‌​സ്, കോ​ബ്ര എ​ന്നി​വ​യു​ൾ​പ്പെ​ടെ വി​വി​ധ യൂ​നി​റ്റു​ക​ളി​ൽ നി​ന്നു​ള്ള 24,000ത്തോ​ളം സു​ര​ക്ഷാ ഉ​ദ്യോ​ഗ​സ്ഥ​ർ ഉ​ൾ​പ്പെ​ട്ട​താ​ണ് ഓ​പ​റേ​ഷ​ൻ സ​ങ്ക​ൽ​പ്.

തി​ങ്ക​ളാ​ഴ്ച അ​ഞ്ച് വ​നി​താ ന​ക്സ​ലു​ക​ളും ഏ​റ്റു​മു​ട്ട​ലി​ൽ കൊ​ല്ല​പ്പെ​ട്ടി​രു​ന്നു. ഛത്തി​സ്ഗ​ഢി​ൽ ഈ ​വ​ർ​ഷം വ്യ​ത്യ​സ്ത ഏ​റ്റു​മു​ട്ട​ലു​ക​ളി​ലാ​യി കൊ​ല്ല​പ്പെ​ട്ട ന​ക്സ​ലു​ക​ളു​ടെ എ​ണ്ണം ഇ​തോ​ടെ 168 ആ​യി. ഇ​തി​ൽ 151 പേ​രും ബി​ജാ​പു​ർ ഉ​ൾ​പ്പെ​ടെ ഏ​ഴ് ജി​ല്ല​ക​ൾ ഉ​ൾ​പ്പെ​ടു​ന്ന ബ​സ്ത​ർ ഡി​വി​ഷ​നി​ൽ​നി​ന്നാ​ണ്.