ഡൽഹി എയിംസിലെ 22 ഡോക്ടർമാർക്ക് കോവിഡ്

ന്യൂഡൽഹി: ഡൽഹി എയിംസിലെ 22 ഡോക്ടർമാർക്ക് കോവിഡ് 19 സ്ഥിരീകരിച്ചു. ഏപ്രിൽ ഒന്നിനും ഒമ്പതിനും ഇടയിലാണ് ഇത്രയേറെ ഡോക്ടർമാർക്ക് രോഗം സ്ഥിരീകരിച്ചത്. ഇവരിൽ അഞ്ച് പേർ കോവിഡ് വാക്സിൻ സ്വീകരിച്ചിരുന്നവരാണെന്ന് ആശുപത്രി അധികൃതർ വ്യക്തമാക്കി.

ഇന്നലെ, ഡൽഹിയിലെ സർ ഗംഗാറാം ആശുപത്രിയിലെ 37 ഡോക്ടർമാർക്ക് കോവിഡ് സ്ഥിരീകരിച്ചിരുന്നു. ഇവരെല്ലാം വാക്സിൻ സ്വീകരിച്ചിരുന്നവരുമായിരുന്നു. ഇവരിൽ 32 പേർ വീട്ടിൽ സമ്പർക്കവിലക്കിലും അഞ്ച് പേർ ആശുപത്രിയിൽ ചികിത്സയിലുമാണ്.