യു​ക്രെ​യ്നി​ലെ വി​വി​ധ സ​ർ​വ​ക​ലാ​ശാ​ല​ക​ളി​ൽ തുടരുന്നത് 2100 ഇന്ത്യൻ വിദ്യാർഥികൾ

ന്യൂ​ഡ​ൽ​ഹി: യു​ദ്ധം തു​ട​രു​ന്ന യു​ക്രെ​യ്നി​ലെ വി​വി​ധ സ​ർ​വ​ക​ലാ​ശാ​ല​ക​ളി​ൽ ഇ​ന്ത്യ​യി​ൽ നി​ന്നു​ള്ള 2100 വി​ദ്യാ​ർ​ഥി​ക​ൾ ഇ​പ്പോ​ഴും പ​ഠി​ക്കു​ന്നു​ണ്ടെ​ന്നും അ​വ​രി​ൽ 1000ത്തോ​ളം പേ​ർ നി​ല​വി​ൽ യു​​ക്രെ​യ്നി​ലു​ണ്ടെ​ന്നും കേ​ന്ദ്ര വി​ദേ​ശ കാ​ര്യ മ​ന്ത്രാ​ല​യം അ​റി​യി​ച്ചു. ഈ ​വി​ദ്യാ​ർ​ഥി​ക​ളു​മാ​യും യു​ക്രെ​യ്ൻ അ​ധി​കൃ​ത​രു​മാ​യും ഇ​ന്ത്യ​ൻ എം​ബ​സി നി​ര​ന്ത​ര ബ​ന്ധ​ത്തി​ലാ​ണെ​ന്നും യു​​ക്രെ​യ്നി​ൽ പ​ഠ​നം തു​ട​രാ​ൻ ക​ഴി​യാ​തി​രു​ന്ന ഇ​ന്ത്യ​ൻ വി​ദ്യ​ർ​ഥി​ക​ളു​ടെ യോ​ഗ്യ​താ പ​രീ​ക്ഷ പു​റം രാ​ജ്യ​ങ്ങ​ളി​ൽ വെ​ച്ച് ന​ട​ത്താ​ൻ യു​ക്രെ​യ്ൻ അ​ധി​കൃ​ത​ർ സൗ​ക​ര്യ​മൊ​രു​ക്കി​യെ​ന്നും വി​ദേ​ശ മ​ന്ത്രാ​ല​യം അ​റി​യി​ച്ചു.

പു​തു​താ​യി ഇ​ന്ത്യ​ൻ വി​ദ്യാ​ർ​ഥി​ക​ൾ പ​ഠ​ന​ത്തി​നാ​യി ചേ​ർ​ന്നി​ട്ടി​ല്ലെ​ന്നും കേ​ന്ദ്ര വി​ദേ​ശ മന്ത്രാലയത്തിൽ പടിഞ്ഞാറിന്റെ ചുമതലയുള്ള സെ​ക്ര​ട്ട​റി ത​ന്മ​യ് ലാ​ൽ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

റ​ഷ്യ​ൻ ന​ഗ​ര​ത്തി​ലേ​ക്ക് യു​ക്രെ​യ്ൻ സേ​ന അ​ധി​നി​വേ​ശം ന​ട​ത്തി​യ​തി​ന് പി​ന്നാ​ലെ, പ്ര​ധാ​ന​മ​ന്ത്രി ന​രേ​ന്ദ്ര മോ​ദി ന​ട​ത്തു​ന്ന പോ​ള​ണ്ട്-​യു​ക്രെ​യ്ൻ സ​ന്ദ​ർ​ശ​ന​വു​മാ​യി ബ​ന്ധ​പ്പെ​ട്ട് വി​ളി​ച്ചു​ചേ​ർ​ത്ത വാ​ർ​ത്ത​സ​മ്മേ​ള​ന​ത്തി​ലാ​ണ് വി​ദേ​ശ മ​ന്ത്രാ​ല​യം ഇ​ക്കാ​ര്യം വ്യ​ക്ത​മാ​ക്കി​യ​ത്. മോ​ദി​യു​ടെ റ​ഷ്യ സ​ന്ദ​ർ​ശ​ന​ത്തെ തു​ട​ർ​ന്ന് പ​ടി​ഞ്ഞാ​റി​നു​ണ്ടാ​യ പ​രാ​തി പ​രി​ഹ​രി​ക്കാ​നാ​ണ് യു​ക്രെ​യ്ൻ സ​ന്ദ​ർ​ശ​ന​മെ​ന്ന ആ​രോ​പ​ണം ത​ള്ളി​ക്ക​ള​ഞ്ഞ സെ​ക്ര​ട്ട​റി റ​ഷ്യ​യു​മാ​യും യു​​ക്രെ​യ്നു​മാ​യും ഒ​രേ സ​മ​യം ഉ​ഭ​യ​ക​ക്ഷി ബ​ന്ധം തു​ട​രു​മെ​ന്ന​താ​ണ് ഇ​ന്ത്യ​യു​ടെ നി​ല​പാ​ടെ​ന്ന് വ്യ​ക്ത​മാ​ക്കി.

21, 22 തീയതികളിൽ പോളണ്ട് സന്ദർശിച്ചശേഷമാണ് മോദി യുക്രെയ്നിലെത്തുകയെന്ന് വിദേശകാര്യ മന്ത്രാലയം അറിയിച്ചു. ‘പ്രധാനമന്ത്രി ഡൊണാൾഡ് ടസ്കിന്‍റെ ക്ഷണപ്രകാരം പ്രധാനമന്ത്രി നരേന്ദ്ര മോദി ഈമാസം 21, 22 തീയതികളിൽ പോളണ്ടിൽ ഔദ്യോഗിക സന്ദർശനം നടത്തും. 45 വർഷത്തിന് ശേഷമാണ് ഒരു ഇന്ത്യൻ പ്രധാനമന്ത്രി പോളണ്ട് സന്ദർശിക്കുന്നത് എന്നതിനാൽ സന്ദർശനത്തിന് ഏറെ പ്രധാന്യമുണ്ട്. നയതന്ത്രബന്ധം സ്ഥാപിച്ചതിന്‍റെ 70ാം വാർഷികം കൂടി ആഘോഷിക്കുന്ന വേളയിലാണ് ഈ സന്ദർശനം’ -വിദേശ്യകാര്യ മന്ത്രാലയം വ്യക്തമാക്കി.

പ്രസിഡന്‍റ് വൊളാദിമിർ സെലൻസ്കിയുടെ ക്ഷണപ്രകാരമാണ് യുക്രെയ്ൻ സന്ദർശിക്കുന്നത്. 30 വർഷത്തിനുശേഷമാണ് ഒരു ഇന്ത്യൻ പ്രധാനമന്ത്രി യുക്രെയ്ൻ സന്ദർശിക്കുന്നത് എന്നതിനാൽ ഈ സന്ദർശനത്തിന് ഏറെ ചരിത്ര പ്രധാന്യമുണ്ടെന്നും മന്ത്രാലയം അറിയിച്ചു. ഒരു മാസം മുമ്പാണ് മോദി റഷ്യ സന്ദർശിച്ചത്. നേരത്തെ, ജി7 ഉച്ചകോടിക്കിടെ മോദി സെലൻസ്കിയുമായി കൂടിക്കാഴ്ച നടത്തിയിരുന്നു.