ലാലുവി​െൻറ മകനോടൊപ്പം മാധ്യമപ്രവർത്തക​െൻറ ഘാതകൻ ; ചിത്രം വിവാദമാകുന്നു

പാട്​ന: മാധ്യമപ്രവര്‍ത്തകനായിരുന്ന രാജ്ദിയോ രഞ്ജന്‍ കൊലപാതകത്തില്‍ പിടികിട്ടാ പുള്ളിയായ മുഹമ്മദ് കൈഫ് എന്ന ബണ്ടിയും ലാലു പ്രസാദ് യാദവിന്റെ മകന്‍ തേജ് പ്രതാപും ഒരുമിച്ചുള്ള ഫോട്ടോ  വിവാദമാകുന്നു. ഷഹാബുദ്ദിന്റെ സഹായിയായ ഇയാള്‍ ഷഹാബുദ്ദി​െൻറ ഒപ്പം നില്‍കുന്നതിന്റെ ചിത്രങ്ങള്‍ നേരത്തേ വിവാദമായിരുന്നു. നിതീഷ് മന്ത്രിസഭയിലെ മന്ത്രിയാണ് തേജ് പ്രതാപ്. താനൊരു മന്ത്രിയാണ് തന്നെ കാണാൻ ആയിരങ്ങള്‍ നിത്യേന വരാറുണ്ടെന്നും തേജ് പ്രതാപ് വിവാദത്തോട് പ്രതികരിച്ചു. തനിക്കെതിരെയുള്ള ബി.ജെ.പിയുടേയും ആർ.എസ്​.എസി​െൻറയും ഗൂഢതന്ത്രമാണ് വിവാദത്തിന്റെ സൃഷ്ടിക്ക് പിന്നിലെന്നും പ്രതാപ് കൂട്ടിച്ചേര്‍ത്തു. ഷഹാബുദ്ദിനെ പാര്‍ട്ടിയില്‍ നിന്നും പുറത്താക്കാന്‍ ആവശ്യപ്പെടാനുള്ള ആര്‍ജ്ജവം തേജ്​ പ്രതാപിനുണ്ടോ എന്ന് ബി.ജെ.പി നേതാവ്​ ചോദിച്ചു.

ബി.ജെ.പി നേതാവി​െൻറ പ്രസ്താവനയോട് ട്വിറ്ററിലൂടെയാണ് തേജ്​ പ്രതാപ് പ്രതികരിച്ചത്​. . മറ്റുള്ളവരുടെ നേരെ ചോദ്യങ്ങള്‍ ഉന്നയിക്കുന്നവര്‍ ആദ്യം ചെയ്യേണ്ടത് സ്വന്തം പാര്‍ട്ടിയിലെ പ്രശ്‌നങ്ങള്‍ പരിഹരിക്കുകയാണ് . പ്രധാനമന്ത്രി നരേന്ദ്രമോദിയും സെക്‌സ് റാക്കറ്റി​െൻറ തലവനെന്ന് ആരോപണവിധേയനായ വ്യക്തിയും തമ്മിലുള്ള ചിത്രവും തേജ്​ ട്വീറ്റ് ചെയ്തിട്ടുണ്ട്. സംഭവത്തെ തുടര്‍ന്ന് കൊല്ലപ്പെട്ട മാധ്യമപ്രവ്രര്‍ത്തകന്റെ ഭാര്യ ആശ എസ്.പി സൗരബ് ഷായെ സമീപിക്കുകയും ഷഹാബുദ്ദീനെ ചോദ്യം ചെയ്യണമെന്നും ആവശ്യപ്പെട്ടിരുന്നു. മെയ് പതിമൂന്നിനാണ്​ മാര്‍ക്കറ്റില്‍വെച്ച് രഞ്ജന്‍ വെടിയേറ്റ് മരിച്ചത്​.