ഉര്‍ജിത് പട്ടേല്‍ ചുമതലയേറ്റു

മുംബൈ: റിസര്‍വ് ബാങ്ക് ഗവര്‍ണറായി ഉര്‍ജിത് പട്ടേല്‍ ഒൗപചാരികമായി ചുമതലയേറ്റു. മാധ്യമങ്ങളെ ഒഴിവാക്കിയാണ് ലളിതമായ ചടങ്ങ് നടന്നത്. രഘുറാം രാജനില്‍നിന്ന് വ്യത്യസ്തനായി ചുമതലയേറ്റ ദിവസം വലിയ പ്രഖ്യാപനങ്ങളൊന്നും ഉര്‍ജിത് നടത്താതിരുന്നതും ശ്രദ്ധേയമായി. 2013 സെപ്റ്റംബര്‍ നാലിന് സ്ഥാനമേറ്റെടുത്തതിനോടനുബന്ധിച്ച് തന്‍െറ പ്രവര്‍ത്തനപദ്ധതികള്‍ വിശദീകരിച്ച് രഘുറാം രാജന്‍ ഒരു മണിക്കൂര്‍ നീണ്ട വാര്‍ത്താസമ്മേളനം നടത്തിയിരുന്നു.
സെപ്റ്റംബര്‍ നാലിന് ഗവര്‍ണറായി ഉര്‍ജിത് ചുമതലയേറ്റെന്ന് റിസര്‍വ് ബാങ്ക് അറിയിച്ചിരുന്നു. വിനായകചതുര്‍ഥി ദിനമായിരുന്നതിനാലാണ് തിങ്കളാഴ്ച ഒൗപചാരിക ചടങ്ങ് നടക്കാതിരുന്നത്.