ബന്ധു നിയമനം: തിരുത്തൽ നടപടിയുണ്ടാകുമെന്ന്​ സീതാറാം യെച്ചൂരി

ന്യൂഡൽഹി: ബന്ധുനിയമനത്തില്‍ തിരുത്തല്‍ നടപടിയുണ്ടാകുമെന്ന് സി.പി.എം ജനറല്‍ സെക്രട്ടറി സീതാറാം യെച്ചൂരി. 14ന് ചേരുന്ന സംസ്ഥാന സെക്രട്ടേറിയറ്റില്‍ ഉചിതമായ തീരുമാനമുണ്ടാകുമെന്നും അദ്ദേഹം കൂട്ടിച്ചേര്‍ത്തു. ആരോപണവിധേയരായ ഇ.പി ജയരാജനും പി.കെ ശ്രീമതിയും കേന്ദ്രകമ്മിറ്റി അംഗങ്ങളായതിനാൽ ഇവര്‍ക്കെതിരെ നടപടി സ്വീകരിക്കേണ്ടത് കേന്ദ്ര നേതൃത്വമാണെന്നും അദ്ദേഹം പറഞ്ഞു.

 നേരത്തെ, സംഭവവുമായി ബന്ധപ്പെട്ട് പാർട്ടി കേന്ദ്ര കമ്മിറ്റി അംഗം എം.സി.ജോസഫൈൻ സംസ്‌ഥാന സെക്രട്ടറി കോടിയേരി ബാലകൃഷ്ണന് പരാതി നൽകിയിരുന്നു. ഇതിനു പിന്നാലെയാണ് നിലപാടു വ്യക്‌തമാക്കി യെച്ചൂരിയും രംഗത്തെത്തിയത്.