കൈയിലെ രക്തക്കുഴലടയാളവും ഇനി സുരക്ഷക്ക്

പത്തനംതിട്ട: കൈകളിലെ രക്തക്കുഴലുകളുടെ സഹായത്തോടെയുള്ള നൂതന സുരക്ഷാ സംവിധാനവുമായി മുസ് ലിയാര്‍ എന്‍ജിനീയറിങ് കോളജിലെ വിദ്യാര്‍ഥികള്‍. വിരല്‍ അടയാളങ്ങള്‍ക്ക് പകരം കൈയിലെ ഞരമ്പുകള്‍ സുരക്ഷാ സംവിധാനത്തിനായി ഉപയോഗിക്കുന്ന രീതിയാണിത്. വിരലടയാളം പോലെ തന്നെ കൈയിലെ രക്തക്കുഴലുകളുടെയും മാതൃക വിവിധതരമാണ്. അതിനാല്‍ തന്നെ ഈ രക്തക്കുഴലുകള്‍ ഉപയോഗിച്ച് സുരക്ഷാ സംവിധാനങ്ങള്‍ നിലവില്‍ കൊണ്ടുവരാം എന്നാണ് ഈ വിദ്യാര്‍ഥികള്‍ തെളിയിച്ചിരിക്കുന്നത്.