കടയനല്ലൂരില്‍ മുസ് ലിം ലീഗിന് വിജയം

ചെന്നൈ: ഡി.എം.കെ മുന്നണിയില്‍ അഞ്ചു സീറ്റില്‍ മത്സരിച്ച മുസ്ലിം ലീഗ് ഒരു സീറ്റില്‍ വിജയിച്ചു. സംസ്ഥാന ജനറല്‍ സെക്രട്ടറി കെ.എ.എം. മുഹമ്മദ് അബൂബക്കര്‍ കടയനല്ലൂര്‍ മണ്ഡലത്തില്‍ 1194 വോട്ടിനാണ് ജയിച്ചത്. അണ്ണാ ഡി.എം.കെ സഖ്യകക്ഷിയായ തമിഴ് മാനിലാ മുസ്ലിം ലീഗ് അധ്യക്ഷന്‍ എസ്. ശൈഖ് ദാവൂദിനെയാണ് പരാജയപ്പെടുത്തിയത്.

ഡി.എം.കെ സഖ്യത്തിലുണ്ടായിരുന്ന മുന്‍ എം.എല്‍.എ എം.എച്ച്. ജവാഹറുല്ലയുടെ മനിതനേയ മക്കള്‍ കക്ഷി സ്ഥാനാര്‍ഥികള്‍ മത്സരിച്ച നാലിടത്തും തോറ്റു. എം.എം.കെയില്‍നിന്ന് വിഘടിച്ചുപോയി അണ്ണാ ഡി.എം.കെ സഖ്യകക്ഷിയായി മാറിയ മനിതനേയ ജനനായക കഴകം അധ്യക്ഷന്‍ തമീമുന്‍ അന്‍സാരി നാഗപട്ടണത്ത് വിജയിച്ചു.