ഉവൈസിയുടേത് താലിബാന്‍ മനസാണെന്ന് യോഗി ആദിത്യനാഥ്

ഖോരക്പൂര്‍: മജ്ലിസുല്‍ ഇത്തിഹാദുല്‍ മുസ്ലിമീന്‍ നേതാവ് അസദുദീന്‍ ഉവൈസിയുടേത് താലിബാന്‍ മനസാണെന്ന് ഖോരക്പൂരില്‍ നിന്നുള്ള ബി.ജെ.പി നേതാവ് യോഗി ആദിത്യനാഥ് എം.പി. ഇത് അപലപിക്കപ്പെടേണ്ടതും നിരാശപ്പെടുത്തുന്നതുമാണെന്നും അദ്ദേഹം പറഞ്ഞു.

കഴുത്തില്‍ കത്തിവെച്ചാലും ഭാരത് മാതാ കീ ജയ് വിളിക്കില്ല എന്ന് അസദുദീന്‍ ഉവൈസി കഴിഞ്ഞ ദിവസം പ്രസ്താവിച്ചിരുന്നു. ഉവൈസിയുടെ ഈ പ്രസ്താവനയോടു പ്രതികരിക്കുകയായിരുന്നു യോഗി ആദിത്യനാഥ്. ഖോരക്പൂര്‍ ക്ഷേത്രത്തിലെ മുഖ്യ പുരോഹിതനാണ് ഇയാള്‍.