കേന്ദ്രസര്‍ക്കാര്‍ ജീവനക്കാര്‍ക്ക് ഖാദി  നിര്‍ബന്ധമാക്കുന്നത് പരിഗണനയില്‍

ന്യൂഡല്‍ഹി: ജീവനക്കാര്‍ക്ക് വെള്ളിയാഴ്ച ഖാദി വസ്ത്രം നിര്‍ബന്ധമാക്കുന്നത് കേന്ദ്രസര്‍ക്കാര്‍ പരിഗണനയില്‍. ആഴ്ചയില്‍ ഒരുദിവസം ഖാദി വസ്ത്രം ഉപയോഗിക്കാന്‍ സര്‍ക്കാര്‍ ജീവനക്കാരോട് ആവശ്യപ്പെടണമെന്ന ഖാദി ആന്‍ഡ് വില്ളേജ് ഇന്‍ഡസ്ട്രീസ് കമീഷന്‍െറ (കെ.വി.ഐ.സി) അപേക്ഷയാണ് പരിഗണിക്കുന്നത്. വിപണനം വര്‍ധിപ്പിക്കുക എന്ന ലക്ഷ്യത്തോടെയാണ് ഖാദി വസ്ത്രം നിര്‍ബന്ധമാക്കുന്നത് പരിഗണിക്കുന്നത്. നിലവില്‍ റെയില്‍വേയിലും പ്രതിരോധ രംഗത്തും ഒഴികെ 35 ലക്ഷം കേന്ദ്ര സര്‍ക്കാര്‍ ജീവനക്കാരുണ്ട്. ഖാദി ഉല്‍പാദനം ഒരു ശതമാനത്തില്‍നിന്ന് 3-3.5 ശതമാനം വരെ ഉയര്‍ത്തുകയാണ് ലക്ഷ്യമെന്ന് കെ.വി.ഐ.സി ചെയര്‍മാന്‍ വി.കെ. സക്സേന പറഞ്ഞു.