അനുപം ഖേർ യഥാർഥ ജീവിതത്തിലും വില്ലനെന്ന് യോഗി ആദിത്യനാഥ്

ഒറഖ്പൂർ: ബോളിവുഡ് നടൻ അനുപം ഖേർ യഥാർഥ ജീവിതത്തിലും വില്ലനെന്ന് ബി.ജെ.പി എം.പി യോഗി ആദിത്യനാഥ്. സ്വാധ്വി പ്രാചിയും യോഗി ആദിത്യനാഥനും അസംബന്ധങ്ങളാണ് പറയുന്നതെന്നും ഇവരെ ബി.ജെ.പിയിൽ നിന്ന് പുറത്താക്കണമെന്ന അനുപംഖേർ അഭിപ്രായപ്പെട്ടിരുന്നു. ഇതിന് പ്രതികരണമായാണ് ആദിത്യനാഥ് അനുപം ഖേറിനെതിരെ ശക്തമായ ഭാഷയിൽ വിമർശിച്ചത്.

വില്ലൻമാർ എങ്ങനെയാണെന്ന് എല്ലാവർക്കും അറിയാം. സിനിമയിൽ മാത്രമല്ല, അനുപം ഖേർ യഥാർഥ ജീവിതത്തിലും വില്ലനാണെന്ന് ആദിത്യനാഥ് പറഞ്ഞു.

കൊൽകത്തയിൽ വളരുന്ന അസഹിഷ്ണുതയെ കുറിച്ചുള്ള ചർച്ചക്കിടെയാണ് അസംബന്ധങ്ങൾ വിളിച്ചുപറയുന്ന സ്വാധ്വി പ്രാചിയെയും ആദിത്യനാഥിനെയും ബി.ജെ.പിയിൽ നിന്ന് പുറത്താക്കണമെന്ന് അനുപം ഖേർ അഭിപ്രായപ്പെട്ടത്.