പട്നയില്‍ സ്ഫോടനം: സി.ആര്‍.പി.എഫ് കമാന്‍ഡോ കൊല്ലപ്പെട്ടു

പട്ന: ബിഹാറിലെ ഒൗറംഗബാദ് ജില്ലയിലെ വനമേഖലയില്‍ മാവോവാദികള്‍ നടത്തിയ ശക്തിയേറിയ സ്ഫോടനത്തില്‍ സി.ആര്‍.പി.എഫ് കമാന്‍ഡോ കൊല്ലപ്പെട്ടു. രണ്ടുപേര്‍ക്ക് പരിക്കേറ്റു. ജില്ലയിലെ ഗഞ്ചോയ് പഹര്‍ മേഖലയില്‍ മാവോവാദി വിരുദ്ധ സൈനിക നടപടിക്കിടെ ഉച്ചയോടെയായിരുന്നു സ്ഫോടനമെന്ന് ഉദ്യോഗസ്ഥര്‍ പറഞ്ഞു.കമാന്‍ഡോ ബറ്റാലിയന്‍ ഓഫ് റെസല്യൂഷന്‍ ആക്ഷനില്‍ (കോബ്ര) ഉള്ളയാളാണ് കൊല്ലപ്പെട്ടത്. മാവോവാദികളും സുരക്ഷാസേനയും തമ്മില്‍ ചെറിയതോതില്‍ ഏറ്റുമുട്ടല്‍ നടന്നതായും ഉദ്യോഗസ്ഥര്‍ അറിയിച്ചു.