'ചേതന്‍ ഭഗതിനെ ആർ.ബി.​െഎ ഗവര്‍ണറാക്കാമായിരുന്നില്ലേ'

ന്യൂഡല്‍ഹി: എഴുത്തുകാരന്‍ ചേതന്‍ ഭഗതിനെ റിസര്‍വ് ബാങ്ക് ഗവര്‍ണറായി നിയമിക്കാമായിരുന്നില്ലേ എന്ന പരിഹാസവുമായി  ആംആദ്മി  പാർട്ടി. അനുപം ഖേറിനെ ഐ.എസ്.ആര്‍.ഒ ചെയര്‍മാനായും ഏക്‌നാഥ് കഡ്സയെ എൻ.െഎ.എ തലവനായും നിയമിച്ചുകൂടേയെന്നും എ.എ.പി വക്താവ് രാഘവ് ചാത്ഹ ചോദിച്ചു. ബി.ജെ.പി എം.പിയായിരുന്ന മുന്‍ ക്രിക്കറ്റ് താരം ചേതന്‍ ചൗഹാനെ നാഷണല്‍ ഇന്‍സ്റ്റിറ്റ്യൂട്ട് ഓഫ് ഫാഷന്‍ ടെക്‌നോളജിയുടെ ചെയര്‍പേഴ്‌സണായി നിയമിച്ചതിനെ പരിഹസിച്ചാണ് എ.എ.പിയുടെ പരാമര്‍ശം.

അതേസമയം, എ.എ.പിക്ക് മറുപടിയുമായി ചേതന്‍ ഭഗത് രംഗത്തെത്തി. ആർ.ബി.െഎ ഗവര്‍ണറായി നിയമിച്ചാല്‍ എല്ലാവരേക്കാളും നന്നായി ജോലി ചെയ്യുമെന്നും വിപണിയെക്കുറിച്ചും സമ്പദ്‌വ്യവസ്ഥയെക്കുറിച്ചും  എ.എ.പി നേതാക്കളേക്കാൾ  കൂടുതലായി തനിക്കറിയാമെന്നും ചേതന്‍ ഭഗത് ട്വീറ്റ് ചെയ്തു.