പത്താൻകോട്ട് ആക്രമണം: ഗുരുദാസ്പൂർ എസ്.പിക്ക് നുണപരിശോധന

ന്യൂഡൽഹി: പത്താൻകോട്ട് ഭീകരാക്രമണവുമായി ബന്ധപ്പെട്ട് ഗുരദാസ്പൂർ എസ്.പി സൽവീന്ദർ സിങിനെ നുണപരിശോധനക്ക് വിധേയനാക്കും. ഡൽഹിയിലെ പ്രത്യേക കോടതിയാണ് ഇതിനായി എൻ.ഐ.എക്ക് അനുമതി നൽകിയത്. രണ്ടുദിവസത്തിനകം തന്നെ നുണ പരിശോധന നടക്കുമെന്നാണ് സൂചന.

സൽവീന്ദർ സിങ്, അദ്ദേഹത്തിൻെറ പാചകക്കാരൻ മദൻഗോപാൽ, സുഹൃത്ത് രാജേഷ് വർമ എന്നിവരെ എൻ.ഐ.എ ചോദ്യം ചെയ്തിരുന്നു. ഇവർ നൽകിയ മൊഴിയിൽ പൊരുത്തക്കേടുള്ള സാഹചര്യത്തിലാണ് നുണപരിശോധന നടത്താൻ അനുമതി തേടി എൻ.ഐ.എ കോടതിയെ സമീപിച്ചത്.