എയര്‍ ഇന്ത്യ മാനേജരെ മർദിച്ച വൈ.എസ്.ആര്‍ കോണ്‍ഗ്രസ് എം.പി അറസ്റ്റിൽ

ഹൈദരാബാദ്: തിരുപ്പതി വിമാനത്താവളത്തിൽ എയര്‍ ഇന്ത്യ എയര്‍പോര്‍ട്ട് മാനേജരെ മർദിച്ച കേസില്‍ വൈ.എസ്.ആര്‍ കോണ്‍ഗ്രസ് എം.പി അറസ്റ്റിൽ. ആന്ധ്ര രാജംപേട്ട് എം.പി മിഥുന്‍ റെഡ്ഡിയെയാണ് പുലര്‍ച്ചെ അറസ്റ്റ് ചെയ്തത്. എം.പിയെ 14 ദിവസം ജുഡീഷ്യൽ കസ്റ്റഡിയിൽ വിട്ടു.

കഴിഞ്ഞ നവംബറിലാണ് കേസിനാസ്പദമായ സംഭവം. ബോര്‍ഡിങ് സമയത്തിന് ശേഷം എത്തിയ എം.പിയുടെ ബന്ധുവിനെ വിമാനത്തില്‍ കയറാന്‍ മാനേജർ രാജശേഖർ അനുവദിച്ചില്ല. ഇതേതുടർന്ന് പ്രകോപിതനായ മിഥുന്‍ റെഡ്ഡി മാനേജരെ മുറിയിലെത്തി മർദിക്കുകയായിരുന്നു.

മാനേജർ നൽകിയ പരാതിയിലാണ് യെർപേദു പൊലീസിന്‍റെ നടപടി. എം.പിക്കെതിരെ ലുക്കൗട്ട് നോട്ടീസ് പുറപ്പെടുവിച്ചിരുന്നു.