പരസ്യപ്രസ്താവനകള്‍ക്ക് കോണ്‍ഗ്രസില്‍ വിലക്ക്

ന്യൂഡല്‍ഹി: നിയമസഭാ തെരഞ്ഞെടുപ്പ് അടുത്തുവരുന്നതിനിടെ കോണ്‍ഗ്രസ് നേതാക്കളുടെ അനവസര പ്രസ്താവനകള്‍ പാര്‍ട്ടി ഹൈകമാന്‍ഡ് വിലക്കി.
തെരഞ്ഞെടുപ്പും സ്ഥാനാര്‍ഥി നിര്‍ണയവുമായി ബന്ധപ്പെട്ട് പരസ്യ അഭിപ്രായപ്രകടനം പാടില്ളെന്ന് സംസ്ഥാനത്തെ നേതാക്കളോട് ഹൈകമാന്‍ഡ് നിര്‍ദേശിച്ചിട്ടുണ്ടെന്ന് കെ.പി.സി.സി പ്രസിഡന്‍റ് വി.എം. സുധീരന്‍ അറിയിച്ചു.
 നിര്‍ദേശംലംഘിക്കുന്നത് ഗൗരവത്തോടെ കാണുമെന്നും കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയുമായി നടത്തിയ കൂടിക്കാഴ്ചക്കുശേഷം സുധീരന്‍ വാര്‍ത്താലേഖകരോട് പറഞ്ഞു.