എസ്.എസ്.ബിക്ക് ആദ്യ വനിതാമേധാവി

ന്യൂഡല്‍ഹി: മുതിര്‍ന്ന ഐ.പി.എസ് ഉദ്യോഗസ്ഥ അര്‍ച്ചന രാമസുന്ദരത്തെ അര്‍ധ സായുധ പൊലീസ് സേനാ വിഭാഗമായ സശസ്ത്ര സീമ ബല്ലിന്‍െറ (എസ്.എസ്.ബി) ഡയറക്ടറായി നിയമിച്ചു. 58കാരിയായ ഇവര്‍ എസ്.എസ്.ബിയുടെ തലപ്പത്ത് എത്തുന്ന ആദ്യ വനിതയാണ്. അടുത്തവര്‍ഷം സെപ്റ്റംബര്‍ 30 വരെയാണ് ഇവരെ നിയമിച്ചിട്ടുള്ളത്. നേപ്പാള്‍, ഭൂട്ടാന്‍ തുടങ്ങിയ രാജ്യാതിര്‍ത്തികളുടെ സുരക്ഷയാണ് എസ്.എസ്.ബിയുടെ ചുമതലയില്‍ വരുന്നത്. അഞ്ച് അര്‍ധ സൈനിക വിഭാഗങ്ങളാണ് ഉള്ളത്. ഇവയുടെ ഒന്നിന്‍െറയും തലപ്പത്ത് ഇതുവരെ വനിതകള്‍ വന്നിട്ടില്ല.