Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightആശുപത്രിയിൽ...

ആശുപത്രിയിൽ ഡോക്​ടറില്ല; പാമ്പ്​ കടിയേറ്റ കുട്ടി ചികിത്സ കിട്ടാതെ മരിച്ചു

text_fields
bookmark_border
ആശുപത്രിയിൽ ഡോക്​ടറില്ല; പാമ്പ്​ കടിയേറ്റ കുട്ടി ചികിത്സ കിട്ടാതെ മരിച്ചു
cancel

അഹമ്മദാബാദ്​: ഗുജറാത്തിൽ പാമ്പ്​ കടിയേറ്റ കുട്ടി ചികിത്സ കിട്ടാതെ മരിച്ചു. കഴിഞ്ഞ ദിവസം ഗുജറാത്തിലെ ഡാങ്​സ്​ ജില്ലയിൽ ആദിവാസി ഗ്രാമത്തിലെ ആറു വയസുകാരനാണ്​ ഡോക്​ടറില്ലാത്തതിനെ തുടർന്ന്​ ചികിത്സ ലഭിക്കാതെ മരിച്ചത്​. തലേദിവസം പുലർചെയാണ്​ തുളസീറാം എന്ന കുട്ടിയുടെ ചെവിയിൽ പാമ്പു കടിച്ചത്​. ഉടൻതന്നെ കുട്ടിയെ ഷംഗം ജില്ലയിലെ പ്രാഥമികാരോഗ്യ കേ​ന്ദ്രത്തിൽ എത്തിച്ചെങ്കിലും ഒരു നഴ്​സ്​ മാത്രമാണ്​ അവിടെ ഉണ്ടായിരുന്നത്. കുട്ടിയെ ചികിത്സിക്കാൻ നഴ്​സ്​ വിസമ്മതിച്ചെന്ന്​ തുളസീറാമി​​െൻറ പിതാവ്​ ഗോപീ പുവാർ പറയുന്നത്​. 10​ മിനിറ്റിന്​ ശേഷം കുട്ടി മരിക്കുകയും ചെയ്​തു.

രണ്ട്​ ഡോക്​ടർമാർ വേണ്ട ആശുപത്രിയിൽ ഒരു ഡോക്​ടർ മാത്രമാണ്​ നിലവിൽ ജോലി ചെയ്തിരുന്നത്​. ഈ ഡോക്ടർ കഴിഞ്ഞ അഞ്ചു ദിവസമായി അവധിയിലാണ്​. സംഭവത്തിൽ ജനങ്ങൾ പ്രതിഷേധവുമായി രംഗത്തെത്തിയിട്ടുണ്ട്​. പ്രശ്​നത്തിൽ ഇടപെട്ട എം.എൽ.എ മംഗൽ ഗാവിത്​ ജില്ലാ ആരോഗ്യ മേധാവിയോട്​ വിശദീകരണം ആവശ്യപ്പെട്ടു​.

എന്നാൽ, മേലധികാരികളെ അറിയിക്കാതെ ഡോക്​ടർ അവധിയിൽ പോവുകയായിരുന്നു എന്നാണ്​ ജില്ലാ ആരോഗ്യ മേധാവിയുടെ വിശദീകരണം​​. ഡോക്​ടറിനെതിരെ അന്വേഷണം ആരംഭിച്ചെന്നും മൂന്ന്​ ഡോക്​ടർമാരെ ആശുപത്രിയിൽ നിയോഗിച്ചിട്ടുണ്ടെന്നും എം.എൽ.എ മാധ്യമങ്ങളോട് പറഞ്ഞു.

 

Show Full Article
TAGS:snake attack 
Next Story