കശ്​മീരിൽ 18കാരൻ കൊല്ലപ്പെട്ടു; എട്ട്​ വയസുകാരന്​ നേരെ പെല്ലറ്റ്​ ആക്രമണം

കശ്​മീരിൽ: സംഘർഷം തുടരുന്ന കശ്​മീരിൽ ​െ​പാലീസ് നടത്തിയ ടിയർഗ്യാസ്​ പ്രയോഗത്തിൽ 18കാരൻ കൊല്ലപ്പെട്ടു. പെല്ലറ്റ്​ ആക്രമണത്തിൽ എട്ടു വയസുകാരനും 50കാരിയായ സ്​​ത്രീക്കും ഗുരുതര പരി​ക്കേറ്റു. കഴിഞ്ഞ ദിവസം നൗഹാട്ടയിലെ മലരാത്തയിൽ പ്രതിഷേധ പ്രകടനത്തിനിടെയാണ്​ ഇർഫാൻ അഹ്​മദ്​ കൊല്ലപ്പെട്ടത്​.

നെഞ്ചിൽ​ ഗ്യാസ്​ ഷെൽ പതിച്ച ഇർഫാനെ എസ്​.എച്ച്​.എം.എസ്​ ആശു​പത്രിയിൽ എത്തിച്ചെങ്കിലും മരിച്ചിരുന്നു. 44 ദിവസമായി കർഫ്യൂ തുടരുന്ന കശ്​മീരിൽ കൊല്ലപ്പെട്ടവരുടെ എണ്ണം 68 ആയി.

നവാബ്​ ബസാറിലെ ഖലാംദൻപോറ മേഖലയിലാണ്​ എട്ടു വയസുകാരനു നേരെ പെല്ലറ്റ്​ ആക്രമണമുണ്ടായത്​. ബാരാമുല്ലയിൽ ​പ്രതിഷേധക്കാരും സുരക്ഷാ സൈനികരും തമ്മിലുണ്ടായ സംഘട്ടനത്തിലാണ്​ റജാബീഗം എന്ന സ്​ത്രീക്കാണ്​ പരിക്കേറ്റത്​. 44 ദിവസത്തിനിടെ 1500ൽപരം സാധാരണക്കാർക്ക്​ പെല്ലറ്റ്​ ആക്രമണത്തിൽ പരിക്കേറ്റിറ്റുണ്ട്​.

ഹിസ്ബുല്‍ മുജാഹിദീന്‍ കമാന്‍ഡര്‍ ബുര്‍ഹാന്‍ വാനിയുടെ വധത്തില്‍ പ്രതിഷേധിച്ച് ജൂ​ൈല എട്ടിന്​ ആരംഭിച്ച പ്രക്ഷോഭത്തിൽ ഇതു​വരെ 6000ലധികം സാധാരണക്കാർക്കും 3500 സുരക്ഷാ ഉദ്യോഗസ്​ഥർക്കും പരിക്കേറ്റതായാണ്​ റിപ്പോർട്ട്​. കർഫ്യൂ ഏർപ്പെടുത്തിയ സ്​ഥലങ്ങളിലേക്ക്​ മാധ്യമങ്ങൾക്കും നിയന്ത്രണങ്ങളുണ്ട്​.