കശ്മീരില്‍ നുഴഞ്ഞുകയറ്റം; ഏറ്റുമുട്ടലില്‍ മൂന്നു ഭീകരര്‍ കൊല്ലപ്പെട്ടു

കശ്മീര്‍: ജമ്മു കശ്മീരിലെ കുപ് വാരയില്‍  സുരക്ഷാസേനയുമായുണ്ടായ ഏറ്റുമുട്ടലില്‍ മൂന്നു ഭീകരര്‍ കൊല്ലപ്പെട്ടു. അതിര്‍ത്തിയില്‍ നുഴഞ്ഞുകയറാന്‍ ശ്രമിച്ച ഭീകരരാണ് കൊല്ലപ്പെട്ടത്.
കുപ് വാര ജില്ലയിലെ തങ്ധാര്‍ ഏരിയയിലാണ് ഏറ്റുമുട്ടല്‍ നടന്നത്. ഭീകരരുടെ സാന്നിധ്യം മനസ്സിലാക്കിയ സൈനികര്‍ വെടിവെക്കുകയായിരുന്നു. നുഴഞ്ഞുകയറാന്‍ ശ്രമിച്ച സംഘത്തില്‍ കൂടുതല്‍ പേരുണ്ടോയെന്ന് ഉറപ്പാക്കാന്‍ പ്രദേശത്ത് സൈന്യം തെരച്ചില്‍ തുടരുകയാണ്.