മധ്യപ്രദേശിൽ കനത്ത മഴ; 15 മരണം

ഭോപ്പാൽ: മധ്യപ്രദേശിൽ മൂന്ന്​ ദിവസമായി തുടരുന്ന മഴയിലും വെള്ളപ്പൊക്കത്തിലും 15 പേർ മരിച്ചു. മേഖലയിൽ നിന്ന്​ ആളുകളെ രക്ഷപ്പെടുത്തുന്നതിന് ​ഹെലികോപ്​റ്ററി​​െൻറ സഹായം സർക്കാർ തേടിയിട്ടുണ്ട്. ദുരിതാശ്വാസ  പ്രവർത്തനങ്ങൾക്കും സഹായങ്ങൾക്കുമായി സൈന്യത്തി​​​െൻറ സഹായം തേടുന്ന കാര്യം ആലോചനയിലാണെന്ന് അധികൃതർ അറിയിച്ചു.

കഴിഞ്ഞ ദിവസം രഹാത്ഗഡിൽ വീട്​ തകർന്ന് ​ഒരുകുടുംബത്തിലെ കുട്ടികളുൾപ്പെടെ ഏഴുപേർ മരിക്കുകയും മൂന്ന് ​പേർക്ക്​ ഗുരുതരമായി പരിക്കേൽക്കുകയും ചെയ്​തിരുന്നു. സത്​നാ ജില്ലയിലെ സാഗറിൽ നിർമാണ മേഖലയിലെ തൊഴിലാളികളുടെ കുടുംബങ്ങൾ താമസിച്ച മൂന്നു നില കെട്ടിടമാണ്​ കനത്ത മഴയിൽ തകർന്ന്​ വീണത്​. നാലു പേരെ ഇവിടെ നിന്നും രക്ഷപ്പെടുത്തിയിരുന്നു.