ബി.എം.ഡബ്ല്യുവിന്‍െറ മരണപ്പാച്ചില്‍; പരിക്കേറ്റവരിൽ ഒരാൾ മരിച്ചു

നോയിഡ: തലസ്ഥാന നഗരിയില്‍ അമിത വേഗത്തില്‍ വന്ന ബി.എം.ഡബ്‌ള്യു കാര്‍ ഇടിച്ച് പരിക്കേറ്റവരില്‍ ഒരാള്‍ മരിച്ചു. ഗുരുതരമായി പരിക്കേറ്റ ഗൗതം അലി (20)യാണ് മരിച്ചത്. കാര്‍ ഡ്രൈവറെ ഇതുവരെ പിടികൂടാനായിട്ടില്ല. അപകടത്തില്‍ പരിക്കേറ്റ മൂന്ന് പേര്‍ രണ്ട് സ്വകാര്യ ആശുപത്രിലായി ചികിത്സയിലാണ്.

ശനിയാഴ്ച രാവിലെ നോയിഡയിലായിരുന്നു സംഭവം. അദ്യം ബൈക്കിനെ ഇടിച്ചിട്ട കാര്‍ പിന്നീട് സറ്റേഡിയത്തിനടുത്ത് നിന്ന മറ്റുള്ളവരെ ഇടിച്ചിടുകയായിരുന്നു. കാര്‍ ഡ്രൈവര്‍ ഉടന്‍ ഓടി രക്ഷപ്പെട്ടു. കാര്‍ ഹരിയാന രജിസ്‌ഷ്രേനിലുള്ളതാണെന്നും ഡ്രൈവര്‍ ഡല്‍ഹി സ്വദേശിയാണെന്നും പൊലീസ് പറഞ്ഞു. മറ്റൊരു കാറുമായി മത്സരഓട്ടത്തിലായിരുന്നു ബി.എം.ഡബ്‌ള്യു കാറെന്ന് ദൃക്‌സാക്ഷികള്‍ അറിയിച്ചു.

ദിവസങ്ങള്‍ മുമ്പ് നോര്‍ത്ത് ഡെല്‍ഹിയില്‍ ബെന്‍സ് ഇടിച്ച് 32 കാരനായ മാര്‍ക്കാറ്റിങ് എക്‌സിക്ക്യുട്ടീവ് മരിച്ചിരുന്നു.