സരസ്വതി സമ്മാന്‍ പത്മ സച്ദേവക്ക്

ന്യൂഡല്‍ഹി: സാഹിത്യ പ്രതിഭകള്‍ക്ക് നല്‍കുന്ന ഉന്നത ബഹുമതികളിലൊന്നായ സരസ്വതി സമ്മാന്‍ ജമ്മു സ്വദേശിനിയായ പത്മ സച്ദേവക്ക്. ദോഗ്രി ഭാഷയിലെ ‘ചിത്ചേത’ എന്ന ആത്മകഥ മുന്‍നിര്‍ത്തിയാണ് 2015ലെ സരസ്വതി സമ്മാന്‍ പത്മക്ക് ലഭിച്ചത്. 15 ലക്ഷം രൂപയും പ്രശംസാപത്രവും ഫലകവും അടങ്ങുന്നതാണ് കെ.കെ ബിര്‍ല ഫൗണ്ടേഷന്‍ ഏര്‍പ്പെടുത്തിയ പുരസ്കാരം. കഴിഞ്ഞ വര്‍ഷം കോണ്‍ഗ്രസ് നേതാവു കൂടിയായ എം. വീരപ്പ മൊയ്ലിക്കാണ് സരസ്വതി സമ്മാന്‍ ലഭിച്ചത്.