കശ്മീരില്‍ സൈന്യത്തിന്‍െറ വെടിവെപ്പില്‍ മൂന്ന് മരണം

ശ്രീനഗര്‍: കോളജ് വിദ്യാര്‍ഥിനിയെ സൈന്യം പീഡിപ്പിച്ചെന്നാരോപിച്ച് ഹാന്ദ്വാര ടൗണില്‍ നാട്ടുകാര്‍ നടത്തിയ പ്രകടനത്തിന് നേരെ സൈന്യം നടത്തിയ വെടിവെപ്പില്‍ മൂന്നുപേര്‍ കൊല്ലപ്പെട്ടു. പ്രകടനക്കാര്‍ കല്ളെറിഞ്ഞപ്പോള്‍ സൈന്യം വെടിവെക്കുകയായിരുന്നുവെന്ന് ഉദ്യോഗസ്ഥന്‍ പറഞ്ഞു. ഒരാള്‍ സംഭവസ്ഥലത്തുവെച്ചും പരിക്കേറ്റ മറ്റൊരാള്‍ ആശുപത്രിയിലുമാണ് മരിച്ചത്. മരണത്തില്‍ അനുശോചിക്കുന്നതായി സൈന്യം പത്രക്കുറിപ്പില്‍ പറഞ്ഞു. കുറ്റക്കാര്‍ക്കെതിരെ നടപടികളെടുക്കുമെന്നും പത്രക്കുറിപ്പില്‍ അറിയിച്ചു. വെടിവെപ്പിനെ തുടര്‍ന്ന് പ്രതിഷേധം ശക്തമായിട്ടുണ്ട്.