ഭക്തിഗായകന്‍ പിതുകുളി മുരുഗദാസ് നിര്യാതനായി

ചെന്നൈ: ആയിരത്തിലധികം ഹിന്ദു ഭക്തിഗാനങ്ങള്‍ ആലപിച്ച പിതുകുളി മുരുഗദാസ് (95) നിര്യാതനായി. കോയമ്പത്തൂര്‍ സ്വദേശിയാണ്. പ്രധാനമായും മുരുക ഭക്തിഗാനങ്ങളാണ് പാടിയിട്ടുള്ളത്. അമേരിക്ക, മലേഷ്യ, യൂറോപ്യന്‍ രാജ്യങ്ങള്‍, ദക്ഷിണാഫ്രിക്ക, ഇംഗ്ളണ്ട് എന്നിവിടങ്ങളില്‍ പരിപാടികള്‍ അവതരിപ്പിച്ചിട്ടുണ്ട്. സംഗീതമേഖലയിലെ സംഭാവനക്ക് അവാര്‍ഡുകളും ലഭിച്ചിട്ടുണ്ട്.
ഉപ്പുസത്യഗ്രഹത്തിലും ജാലിയന്‍ വാലാബാഗ് കൂട്ടക്കൊലയില്‍ പ്രതിഷേധിച്ച് നടന്ന സ്വാതന്ത്ര്യസമര പരിപാടികളിലും പങ്കെടുത്ത് രണ്ടു പ്രാവശ്യം ജയില്‍വാസം അനുഭവിച്ചിട്ടുണ്ട്. ഭാര്യ ദേവി സരോജ കലാകാരിയായിരുന്നു. അഞ്ചു വര്‍ഷം മുമ്പ് ഇവര്‍ നിര്യാതയായി.