തെലങ്കാന നിയമസഭാ കൗണ്‍സില്‍ തെരഞ്ഞെടുപ്പില്‍ കോണ്‍ഗ്രസിന് നേട്ടം

ഹൈദരാബാദ്: തെലങ്കാന നിയമസഭാ കൗണ്‍സിലിലേക്ക് നടന്ന തെരഞ്ഞെടുപ്പില്‍ കോണ്‍ഗ്രസ് നിലമെച്ചപ്പെടുത്തി. ആറു സീറ്റിലേക്ക് നടന്ന തെരഞ്ഞെടുപ്പില്‍ രണ്ടണ്ണത്തില്‍ കോണ്‍ഗ്രസ് വിജയിച്ചപ്പോള്‍ ബാക്കി നാലെണ്ണം ഭരണകക്ഷിയായ ടി.ആര്‍.എസ് നേടി. നിയമസഭാ കൗണ്‍സിലില്‍ 12 സീറ്റാണ് ഒഴിവുണ്ടായിരുന്നത്. ഇതില്‍ ആറു സീറ്റിലേക്ക് ടി.ആര്‍.എസ് എതിരില്ലാതെ തെരഞ്ഞെടുക്കപ്പെട്ടു. ബാക്കി ആറിലേക്കാണ് ഈമാസം 27ന് തെരഞ്ഞെടുപ്പ് നടന്നത്.
രണ്ടു സീറ്റില്‍ വിജയിച്ചത് കോണ്‍ഗ്രസിന് നേട്ടമായാണ് വിലയിരുത്തപ്പെടുന്നത്. കഴിഞ്ഞവര്‍ഷം നടന്ന ലോക്സഭ, നിയമസഭാ തെരഞ്ഞെടുപ്പുകളില്‍ കോണ്‍ഗ്രസ് കനത്തപരാജയം ഏറ്റുവാങ്ങിയിരുന്നു. അതിനുശേഷം തെലങ്കാനയില്‍ നടന്ന രണ്ടു ലോക്സഭാ ഉപതെരഞ്ഞെടുപ്പുകളിലും കോണ്‍ഗ്രസിന് വിജയിക്കാനായിരുന്നില്ല.