സായിബാബ ജയിലില്‍ കീഴടങ്ങി

നാഗ്പുര്‍: മാവോവാദി ബന്ധം ആരോപിക്കപ്പെട്ട  ഡല്‍ഹി യൂനിവേഴ്സിറ്റി പ്രഫസര്‍ ജി.എന്‍. സായിബാബ നാഗ്പുര്‍ സെന്‍ട്രല്‍ ജയിലില്‍ കീഴടങ്ങി. ജാമ്യം നീട്ടണമെന്ന സായിബാബയുടെ ഹരജി തള്ളിയ  ബോംബെ ഹൈകോടതിയുടെ നാഗ്പുര്‍ ബെഞ്ചിന്‍െറ നിര്‍ദേശത്തെ തുടര്‍ന്നാണ് ഡിസംബര്‍ 31 വരെ ജാമ്യമുണ്ടായിരുന്ന സായിബാബ വെള്ളിയാഴ്ച രാത്രി  കീഴടങ്ങിയത്. കീഴടങ്ങാന്‍ കൂടുതല്‍ സമയം വേണമെന്ന സായിബാബയുടെ ആവശ്യം  ഈ മാസം 23 ന് നിരാകരിച്ച കോടതി,  രണ്ടു ദിവസത്തിനകം നേരിട്ട് കീഴടങ്ങിയില്ളെങ്കില്‍  അറസ്റ്റ് ചെയ്യണമെന്ന് നിര്‍ദേശിച്ചിരുന്നു.