ബിഹാറിൽ ട്രെയിൻ പാളം തെറ്റി; ആളപായമില്ല

ന്യൂഡൽഹി:ബിഹാറിലെ ഖഗാരിയയിൽ ട്രെയിൻ പാളം തെറ്റി. കതിഹാർ – അമൃത്സർ അമ്രപാലി എക്സ്പ്രസാണ് പാളം തെറ്റിയത്. യാത്രക്കാർക്ക് പരിക്കേറ്റതായോ ആളപായമോ റിപ്പോർട്ട് ചെയ്തിട്ടില്ല.

ഉത്തർപ്രദേശിലെ കതിഹാറിൽ നിന്ന്  അമൃത്സറിലേക്ക് പോകുകയായിരുന്ന ട്രെയിനിെൻറ ഏഴ് ബോഗികളാണ് പാളം തെറ്റിയത്. രണ്ട് എ.സി കോച്ചുകളും അഞ്ച് സ്ലീപ്പർ കോച്ചുകളുമാണ് പാളം തെറ്റിയത്. പുലർച്ചെ 1.14 ന് ഖഗാരിയ ജില്ലയിലെ പത്രഹക്കും ഗൗചരിക്കും ഇടയിലായിരുന്നു അപകടം. ട്രെയിൻ പാളം തെറ്റിയതിനെ തുടർന്ന് ആറ് ട്രെയിനുകൾ വഴിതിരിച്ചുവിട്ടു.