‘ഇൻഡ്യ’ എം.പിമാർ നാളെ മണിപ്പൂരിൽ: കേരളത്തിൽ നിന്ന് 4 പേർ

ന്യൂഡൽഹി: വംശീയകലാപം രൂക്ഷമായ മണിപ്പൂരിൽ സാന്ത്വന സന്ദേശവുമായി പ്രതിപക്ഷ മുന്നണിയായ ഇൻഡ്യ. മുന്നണിയിലെ 16 പാർട്ടികളുടെ നേതാക്കൾ ശനി, ഞായർ ദിവസങ്ങളിൽ മണിപ്പൂർ സന്ദർശിക്കും. ഇതിൽ കേരളത്തിൽ നിന്നുള്ള സി.പി.എം, മുസ്‍ലിം ലീഗ്, സി.പി.ഐ, ആർ.എസ്​.പി എം.പിമാരുമുണ്ട്.

മൂന്നു മാസമായിട്ടും കലാപം തുടരുന്ന സംസ്ഥാനത്തെ സാഹചര്യങ്ങൾ നേരിട്ടു മനസ്സിലാക്കാനും തീ തിന്നു കഴിയുന്ന ജനതയെ സാന്ത്വനിപ്പിക്കുന്നതിനുമാണ്​ പ്രതിപക്ഷ സംഘത്തിന്‍റെ യാത്ര.

അധിർ രഞ്ജൻ ചൗധരി -കോൺഗ്രസ്​, ലാലൻ സിങ്​ -ജനതാദൾ (യു), സുസ്​മിത ദേവ്​ -തൃണമൂൽ കോൺഗ്രസ്​, കനിമൊഴി -ഡി.എം.കെ, എ.എ. റഹിം -സി.പി.എം, ഇ.ടി. മുഹമ്മദ്​ ബഷീർ -മുസ്​ലിം ലീഗ്​, മനോജ്​ ഝാ -ആർ.ജെ.ഡി, ജാവേദ്​ അലിഖാൻ -സമാജ്​വാദി പാർട്ടി, പി. സന്തോഷ്​ കുമാർ -സി.പി.ഐ, മഹുവ മാജി -ജെ.എം.എം, മുഹമ്മദ്​ ഫൈസൽ -എൻ.സി.പി, എൻ.കെ. പ്രേമചന്ദ്രൻ -ആർ.എസ്​.പി, സുശീൽ ഗുപ്ത -ആം ആദ്​മി പാർട്ടി, അരവിന്ദ്​ സാവന്ത്​ -ശിവസേന, തിരുമാവളവൻ -വി.സി.കെ, ജയന്ത്​ ചൗധരി -ആർ.എൽ.ഡി എന്നിവരാണ്​ സംഘത്തിൽ. ഗൗരവ്​ ഗൊഗോയ്​, ഫുലോദേവി നേതം -കോൺഗ്രസ്​, ഡി. രവികുമാർ-ഡി.എം.കെ, അനിൽ ഹെഗ്​ഡെ -ജെ.ഡി.യു എന്നിവർ ഇവരെ അനുഗമിക്കുന്നുണ്ട്​.

ശനിയാഴ്ച രാവിലെ ഡൽഹിയിൽനിന്ന്​ പുറപ്പെടുന്ന പ്രതിപക്ഷ സംഘം കലാപ ബാധിതമേഖലകൾ സന്ദർശിച്ച്​ ഞായറാഴ്ച മടങ്ങും. മണിപ്പൂർ കലാപത്തെക്കുറിച്ച്​ സുപ്രീംകോടതി റിട്ട. ജഡ്ജിയുടെ നേതൃത്വത്തിൽ അന്വേഷണം നടത്തണമെന്ന്​ കോൺഗ്രസ്​ നേതാവ്​ ഗൗരവ്​ ഗൊഗോയ്​ ആവശ്യപ്പെട്ടു.

അതിനിടെ, ഇ​ൻ​ഡ്യ മു​ന്ന​ണി ന​ൽ​കി​യ അ​വി​ശ്വാ​സ​പ്ര​മേ​യ​ത്തി​ന്​ ലോ​ക്സ​ഭ​യി​ൽ അ​വ​ത​ര​ണാ​നു​മ​തി ന​ൽ​കി​യെ​ങ്കി​ലും എ​ന്ന്​ ച​ർ​ച്ച​ക്കെ​ടു​ക്കു​മെ​ന്ന കാര്യത്തിൽ അ​നി​ശ്ചി​ത​ത്വം തു​ട​രു​ക​യാ​ണ്. പ്ര​മേ​യം ച​ർ​ച്ച​ക്കെ​ടു​ത്ത​ശേ​ഷം മാ​ത്രം മ​റ്റു ന​ട​പ​ടി​ക​ളി​ലേ​ക്ക്​ ക​ട​ക്ക​ണ​മെ​ന്ന ആ​വ​ശ്യം സ്പീ​ക്ക​ർ ഓം ​ബി​ർ​ല അം​ഗീ​ക​രി​ച്ചി​ല്ല. എ​ല്ലാ​വ​രു​മാ​യി കൂ​ടി​യാ​ലോ​ചി​ച്ച്​ പി​ന്നീ​ട്​ അ​റി​യി​ക്കാ​മെ​ന്ന്​ സ​ഭ​യി​ൽ ആ​വ​ർ​ത്തി​ക്കു​ക​യാ​ണ്​ സ്പീ​ക്ക​ർ ചെ​യ്ത​ത്.

സ​ർ​ക്കാ​റാ​ക​ട്ടെ, ​ഇ​രു സ​ഭ​ക​ളി​ലും ന​ടു​ത്ത​ള പ്ര​തി​ഷേ​ധം തു​ട​രു​ന്ന​തു വ​ക​വെ​ക്കാ​തെ നി​ര​വ​ധി ബി​ല്ലു​ക​ൾ ച​ർ​ച്ച കൂ​ടാ​തെ പാ​സാ​ക്കു​ക​യാ​ണ്. മ​ണി​പ്പൂ​ർ വി​ഷ​യ​ത്തി​ലും ആ​പ്​ എം.​പി സ​ഞ്ജ​യ്​ സി​ങ്ങി​നെ സ​സ്​​പെ​ൻ​ഡ്​ ചെ​യ്ത​തി​ലും പ്ര​തി​ഷേ​ധി​ച്ച്​ ഗാ​ന്ധി പ്ര​തി​മ​ക്കു മു​ന്നി​ൽ ന​ട​ത്തി വ​രു​ന്ന രാ​പ​ക​ൽ സ​മ​ര​രീ​തി മാ​റ്റാ​ൻ കോ​ൺ​ഗ്ര​സ്​ അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ അ​ഭ്യ​ർ​ഥി​ച്ചു. പാ​ർ​ല​മെ​ന്‍റ്​ സ​മ്മേ​ളി​ക്കു​ന്ന സ​മ​യ​ത്തു​മാ​ത്രം ധ​ർ​ണ മ​തി​യെ​ന്ന്​ അ​ദ്ദേ​ഹം സ​ഞ്ജ​യ്​​സി​ങ്ങി​നോ​ട്​ പ​റ​ഞ്ഞു. അ​ടു​ത്ത ദി​വ​സം മു​ത​ൽ ഇ​ത്​ ന​ട​പ്പാ​ക്കും.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി ജ​നാ​ധി​പ​ത്യ​ത്തെ അ​വ​ഹേ​ളി​ക്കു​ക​യാ​ണെ​ന്നും ഇ​തി​ലും വ​ലി​യ ഇ​രു​ണ്ട​കാ​ലം ഇ​ന്ത്യ​യി​ൽ ഉ​ണ്ടാ​യി​ട്ടി​ല്ലെ​ന്നും അ​ദ്ദേ​ഹം പ​റ​ഞ്ഞു. പ്ര​തി​പ​ക്ഷ നേ​താ​വാ​യ ഖാ​ർ​ഗെ​യു​ടെ മൈ​ക്ക്​ ഓ​ഫ്​ ചെ​യ്ത​ത്, സ​ഞ്ജ​യ്​ സി​ങ്ങി​ന്‍റെ സ​സ്​​പെ​ൻ​ഷ​ൻ എ​ന്നീ വി​ഷ​യ​ങ്ങ​ൾ മു​ൻ​നി​ർ​ത്തി വ്യാ​ഴാ​ഴ്ച​യും രാ​ജ്യ​സ​ഭ​യി​ൽ പ്ര​തി​പ​ക്ഷം ഇ​റ​ങ്ങി​പ്പോ​ക്ക്​ ന​ട​ത്തി.