യു.പിയിലെ ആശ്രമത്തിൽ രണ്ടു സന്യാസിമാർ ദുരൂഹ സാഹചര്യത്തിൽ മരിച്ച നിലയിൽ

ലഖ്​നോ: ഉത്തർ​ പ്രദേശ്​ മഥുരയിലെ ആശ്രമത്തിൽ ദുരൂഹസാഹചര്യത്തിൽ രണ്ടു സന്യാസിമാർ മരിച്ച നിലയിൽ. ഒരു സന്യാസിയെ അവശനിലയിൽ ആശു​പത്രിയിൽ പ്രവേശിപ്പിച്ചിരിക്കുകയാണ്​.

ഗുലാബ്​ സിങ്​, ശ്യാം സുന്ദർ എന്നിവരാണ്​ മരിച്ചത്​. രാം ബാബു എന്ന സന്യാസിയെ ജില്ല ആശുപത്രിയിൽ പ്രവേശിപ്പിച്ചു. ഫോറൻസിക്​ സംഘം ആശ്രമത്തിലെത്തി നടത്തിയ പരിശോധനയിൽ ചായ കുടിച്ചതിന്​ ശേഷമാണ്​ രണ്ടു സന്യാസിമാരും മരിച്ചതെന്ന്​ കണ്ടെത്തിയിട്ടുണ്ട്​.

ഇരുവരുടെയും മൃതദേഹം പോസ്​റ്റുമോർട്ടത്തിനായി അയച്ചു. 60 കാരനായ ഗുലാബ്​ സിങ്​ സംഭവ സ്​ഥലത്ത്​ വെച്ചുതന്നെ മരിച്ചിരുന്നു. ജില്ല ആശുപത്രിയിൽ എത്തിച്ചതിന്​ ശേഷമാണ്​ 61കാരനായ ശ്യാം സുന്ദർ മരിച്ചത്​.

സംഭവത്തിൽ കേസെടുത്ത്​ അന്വേഷണം ആരംഭിച്ചതായി മഥുര എസ്​.എസ്​.പി ഗൗരവ്​ ഗ്രോവർ പറഞ്ഞു. ആശ്രമത്തിനകത്തുവെച്ച്​ വിഷം ഉള്ളിൽ​െചന്നാണ്​ രണ്ടു സന്യാസിമാരും മരിച്ചതെന്ന്​ സന്യാസിമാരിൽ ഒരാളുടെ സഹോദരനായ ഗോപാൽ ദാസ്​ ആരോപിച്ചു. പോസ്​റ്റുമോർട്ടത്തിനു ശേഷം മാത്രമേ മരണകാരണം വ്യക്തമാകുവെന്ന്​ ജില്ല ഓഫിസർ സർവാഗ്യ രാം മിശ്ര ഇന്ത്യ ടുഡെ ടി.വിയോട്​ പറഞ്ഞു.