ഹിമാചൽപ്രദേശ്​ മുഖ്യമന്ത്രിയുടെ സുരക്ഷാ ഉദ്യോഗസ്ഥരിൽ രണ്ട്​ പേർക്ക്​ കോവിഡ്​

ഷിംല: ഹിമാചൽപ്രദേശ്​ മുഖ്യമന്ത്രി ജയ്​ റാം താക്കുറി​െൻറ സുരക്ഷാ ഉദ്യോഗസ്ഥരിൽ രണ്ട്​ പേർക്ക്​ കോവിഡ്​ 19 സ്ഥിരീകരിച്ചു. ഗൺമാനും മുഖ്യമന്ത്രിയുടെ പൈലറ്റ്​ വാഹനത്തിലെ ഡ്രൈവർക്കുമാണ്​ പരിശോധനയിൽ കോവിഡ്​ ബാധ കണ്ടെത്തിയത്​.

ഇവരുമായി സമ്പർക്കമുള്ളവർ ക്വാറൻറീനിൽ പ്രവേശിക്കണമെന്ന്​ മുഖ്യമന്ത്രിയുടെ ഓഫീസ്​ നിർദേശിച്ചു. കോവിഡ്​ ബാധിതരുമായി മുഖ്യമന്ത്രി ജയ്​ റാം താക്കുറിന്​ നേരിട്ട്​ സമ്പർക്കമുണ്ടോയെന്ന്​ വ്യക്തമാക്കിയിട്ടില്ല.

കേന്ദ്ര ആരോഗ്യ കുടുംബക്ഷേമ മന്ത്രാലയത്തി​െൻറ കണക്ക്​പ്രകാരം ഹിമാചൽപ്രദേശിൽ 1256 കോവിഡ്​ ബാധിതരാണ്​ നിലവിൽ ചികിത്സയിലുള്ളത്​. 2362 പേർ രോഗമുക്തി നേടി. സംസ്ഥാനത്ത്​ 18 കോവിഡ്​ മരണങ്ങളാണ്​ റിപ്പോർട്ട്​ ചെയ്​തിട്ടുള്ളത്​.