കുപ്​വാര ഏറ്റുമുട്ടൽ; രണ്ട്​ ജവാൻമാർ കൂടി കൊല്ലപ്പെട്ടു; അഞ്ച്​ തീവ്രവാദികളെ വധിച്ചു

ശ്രീനഗര്‍: നോർത്ത്​ കശ്മീരിലെ കുപ്​വാരയിലുണ്ടായ ഏറ്റുമുട്ടലിൽ രണ്ട്​ സൈനികർ കൊല്ലപ്പെട്ടു. കുപ്​വാരയിലെ കേരാൻ സെക്​ടറിൽ ഇന്ന്​ പുലർച്ചെയുണ്ടായ ഏറ്റുമുട്ടലിലാണ്​ രണ്ട്​ സൈനികർക്ക്​ ​കൂടി ജീവൻ നഷ്​ടമായത്​. ഏറ്റുമു ട്ടലിൽ സൈന്യം അഞ്ച്​ തീവ്രവാദികളെ വധിച്ചു.

തീവ്രവാദികൾ ഷ​ംസബാരി റേഞ്ചിൽ നിന്നും അതിർത്തി കടന്ന്​ നാടോടികൾ താൽക്കാലികമായി താമസിച്ചു വരുന്ന പോസ്​വാൽ പ്രദേശത്തിലൂടെയാണ്​ കേരാൻ സെക്​ടറിലേക്ക്​ കടന്നതെന്നാണ്​ കരസേന വൃത്തങ്ങൾ നൽകുന്ന സൂചന.

കശ്​മീരിലെ കുപ്​വാരയിലും കുൽഗാമിലുമായി കഴിഞ്ഞ ദിവസമുണ്ടായ ഏറ്റുമുട്ടലിൽ മൂന്ന്​ സൈനികർക്ക്​ ജീവൻ നഷ്​ടമായിരുന്നു.സൈന്യം ഒമ്പത്​ തീവ്രവാദികളെ വധിക്കുകയും ചെയ്​തിരുന്നു.