കശ്​മീരിൽ രണ്ട്​ തീവ്രവാദികളെ വധിച്ചതായി പൊലീസ്​

കുൽഗാം: ജമ്മു കശ്മീരിലെ കുൽഗാം ജില്ലയിൽ സുരക്ഷാ സേനയുമായുള്ള ഏറ്റുമുട്ടലിൽ രണ്ട് തീവ്രവാദികൾ കൊല്ലപ്പെട്ടതായി പൊലീസ് ഉദ്യോഗസ്ഥർ പറഞ്ഞു. തിങ്കളാഴ്​ചയാണ്​ സംഭവം. 

ജില്ലയിലെ ഖുദ് ഹഞ്ചിപോരയിലാണ് വെടിവെപ്പ്​ നടന്നത്. കൊല്ലപ്പെട്ടവരുടെ കൂടുതൽ വിവരങ്ങൾ വ്യക്​തമായിട്ടില്ല. ഇവർ ഏത്​ സംഘടനയുടെ പ്രവർത്തകരാണ്​ എന്നതും അന്വേഷിക്കുകയാണെന്ന്​ പൊലീസ്​ ഉദ്യോഗസ്ഥർ പറഞ്ഞു.