മഹാകുംഭമേളക്കിടെ രണ്ട് ഐ ഫോണും സാംസങ് ഫോണും മോഷ്ടിക്കപ്പെട്ടെന്ന് യുവതി

ന്യൂഡൽഹി: മഹാകുംഭമേളക്കിടെ മോഷണം നടന്നുവെന്ന ആരോപണവുമായി യുവതി. മിനി ത്രിവേദി എന്ന യുവതിയാണ് ഇൻസ്റ്റഗ്രാമിലൂടെ തന്റെ ഫോൺ ഉൾപ്പടെയുള്ള വിലപിടിപ്പുള്ള ഉപകരണങ്ങൾ മോഷ്ടിക്കപ്പെട്ടതായി ആരോപിച്ചത്. മഹാകുംഭമേളയിലെ തിക്കിലും തിരക്കിനുമിടെ യുവതിയുടെ രണ്ട് ഐ ഫോണും ഒരു സാംസങ് ഫോണുമാണ് മോഷ്ടിച്ചത്.

മോഷണമുണ്ടായേക്കാമെന്ന ഭയത്താൽ ബാഗിലാക്കിയാണ് ഇവ കൊണ്ടു നടന്നത്. എന്നാൽ മോഷ്ടാവ് വിദഗ്ധമായി ബാഗ് ബ്ലേഡ് ഉപയോഗിച്ച് കീറിയാണ് മോഷണം നടത്തിയത്. താൻ ഇക്കാര്യങ്ങൾ പറയുന്നത് ഇനിയെങ്കിലും ആളുകൾ നന്നായി ശ്രദ്ധിക്കണമെന്ന് പറയുന്നതിനാണെന്നും യുവതി പറയുന്നു.

മഹാകുംഭമേളയിലെ മൗനി അമാവാസി നാളില്‍ തിക്കിലും തിരക്കിലും പെട്ട് 30 പേർ മരിച്ചിരുന്നു. അപകടത്തെക്കുറിച്ച് അന്വേഷിക്കാൻ യു.പി സർക്കാർ നിയോഗിച്ച മൂന്നംഗ ജുഡീഷ്യൽ കമീഷൻ വെള്ളിയാഴ്ച പ്രയാഗ്രാജിൽ എത്തിയിരുന്നു.