കശ്​മീരിൽ സുരക്ഷാ സേനയുമായുള്ള ഏറ്റുമുട്ടലിൽ രണ്ട്​ തീവ്രവാദികൾ കൊല്ലപ്പെട്ടു

ന്യൂഡൽഹി: കശ്​മീരിൽ സുരക്ഷാ സേനയുമായുള്ള ഏറ്റുമുട്ടലിൽ രണ്ട്​ ഹിസ്​ബുൾ മുജാഹിദീൻ തീവ്രവാദികൾ കൊല്ല​പ്പെട്ടു. അനന്ദനാഗ്​ ജില്ലയിൽ സുരക്ഷാ സേന നടത്തിയ വെടിവെപ്പിലാണ്​​ തീവ്രവാദികൾ കൊല്ലപ്പെട്ടത്​.

ഹിസ്​ബുൾ മുജാഹിദീനിലെ ഉയർന്ന കമാൻഡർമാരാണ്​ ആക്രമണത്തിൽ കൊല്ലപ്പെട്ടതെന്ന്​ സൈന്യം അറിയിച്ചു. വീടിനുള്ള ഒളിച്ചിരുന്ന തീവ്രവാദികൾ സുരക്ഷാ സേനക്ക്​ നേരെ വെടിയുതിർക്കുകയായിരുന്നുവെന്ന്​ അധികൃതർ വ്യക്​തമാക്കി. 

തീവ്രവാദികൾ ഒളിച്ചിരിക്കുന്നുവെന്ന രഹസ്യവിവരത്തെ തുടർന്ന്​ സൈന്യം പരി​േശാധന നടത്തുന്നതിനിടെയാണ്​ വെടിവെപ്പുണ്ടായത്​. പ്രദേശത്തെ ഏറ്റുമുട്ടൽ ഇപ്പോഴും തുടരുകയാണ്​. മേഖലയിലെ ഇൻററർനെറ്റ്​ ബന്ധം വിച്ഛേദിച്ചിട്ടുണ്ട്​.