മേഘാലയയിൽ വീണ്ടും ഖനി ദുരന്തം; രണ്ടു തൊഴിലാളികൾ മരിച്ചു

ഗുവാഹത്തി: മേഘാലയയിൽ വീണ്ടും ഖനി ദുരന്തം. ഇൗസ്​റ്റ്​ ജയന്തിയ ഹിൽസ്​ ജില്ലയിൽ തന്നെയുള്ള മറ്റൊരു ഖനി തകർന്ന് ​ രണ്ടു തൊഴിലാളികൾ മരിച്ചു. ഇതേ ജില്ലയിലെ ഖനിക്കുള്ളിൽ കുടുങ്ങിയ 15 തൊഴിലാളികളെ രക്ഷിക്കാൻ 25 ദിവസമായി നടത്തിയ ശ്രമം ഇതുവരെയും ഫലം കണ്ടിട്ടില്ല. അതിനി​െടയാണ്​ മറ്റൊരു ദുരന്തം.

ജില്ലാ ആസ്​ഥാനത്തു നന്ന്​ അഞ്ചുകിലോമീറ്റർ അകലെ ജലയ്യ ഗ്രാമത്തിലെ മൂക്​നോറിലാണ്​ അപകടം നടന്നത്​. അപകടത്തിൽ പെട്ട തൊഴിലാളികളിൽ ഒരാളായ 26കാരൻ എലാദ്​ ബറേയുടെ ബന്ധുക്കൾ പൊലീസിനെ സമീപിച്ചതോടെയാണ്​ സംഭവം പുറംലോകമറിയുന്നത്​. വെള്ളിയാഴ്​ച മുതൽ എലാദിനെ കുറിച്ച്​ വിവരമില്ലെന്ന്​ കാണിച്ച്​ ബന്ധുക്കൾ ​െപാലീസിൽ പരാതി നൽകിയിരുന്നു. തുടർന്ന്​ പൊലീസ്​ നടത്തിയ അന്വേഷണത്തിലാണ്​ ഖനിയപകടം പുറത്തറിയുന്നത്​.

ഖനിയിൽ നടത്തിയ തെരച്ചിലിനിടെ ഖനിക്കുള്ളിലെ എലിമടകൾ പോലുള്ള ഇടുങ്ങിയ അറകളിലൊന്നിൽ നിന്ന്​ മൃതദേഹങ്ങൾ കണ്ടെത്തുകയായിരുന്നു​. മരിച്ചവരിൽ രണ്ടാമൻ മനോജ്​ ബസുമത്രിയാണ്​. കൽക്കരി ഖനനത്തിനിടെ പാറക്കലുുകൾ വീണായിരിക്കാം ഇരുവരും മരിച്ചതെന്നാണ്​ കരുതുന്നതെന്ന്​ ​െപാലീസ്​ പറഞ്ഞു. ഇൗ അനധികൃത ഖനിയു​െട ഉടമയെ കണ്ടെത്തുന്നതിനുള്ള ശ്രമം തുടരുകയാണെന്നും പൊലീസ്​ കൂട്ടിച്ചേർത്തു.

അതേസമയം ക്​സാൻ ഗ്രാമത്തിലെ ഖനിയിൽ കുടുങ്ങിയ 15 തൊഴിലാളികളെ കണ്ടെത്താനുള്ള ശ്രമങ്ങൾ തുടരുകയാണ്​.