1984ലെ സിഖ് വിരുദ്ധ കലാപം: രണ്ടാമത്തെ കേസിൽ മുൻ കോൺഗ്രസ് എം.പി സജ്ജൻ കുമാറിന് ജീവപര്യന്തം

ന്യൂ​ഡ​ൽ​ഹി: 1984ൽ ​ഡ​ൽ​ഹി​യി​ൽ ന​ട​ന്ന സി​ഖ് വി​രു​ദ്ധ ക​ലാ​പ​വു​മാ​യി ബ​ന്ധ​പ്പെ​ട്ട കേ​സു​ക​ളി​ലൊ​ന്നി​ൽ കോ​ൺ​ഗ്ര​സ് നേ​താ​വ് സ​ജ്ജ​ൻ കു​മാ​റി​ന് ജീ​വ​പ​ര്യ​ന്തം. നി​ല​വി​ൽ സി​ഖ് വി​രു​ദ്ധ ക​ലാ​പ​വു​മാ​യി ബ​ന്ധ​പ്പെ​ട്ട മ​റ്റൊ​രു വ​ധ​ക്കേ​സി​ൽ ജീ​വ​പ​ര്യ​ന്തം ത​ട​വ് ശി​ക്ഷ തി​ഹാ​ർ ജ​യി​ലി​ൽ അ​നു​ഭ​വി​ച്ചു​കൊ​ണ്ടി​രി​ക്കു​ക​യാ​ണ് സ​ജ്ജ​ൻ കു​മാ​ർ. പ​ടി​ഞ്ഞാ​റ​ൻ ഡ​ൽ​ഹി​യി​ൽ സി​ഖ് കു​ടും​ബ​ത്തി​ലെ പി​താ​വി​നെ​യും മ​ക​നെ​യും കൊ​ല​പ്പെ​ടു​ത്തി​യ കേ​സി​ലാ​ണ് ഡ​ൽ​ഹി റോ​സ് അ​വ​ന്യൂ കോ​ട​തി ജ​ഡ്ജി കാ​വേ​രി ബ​വേ​ജ ജീ​വ​പ​ര്യ​ന്തം ശി​ക്ഷ വി​ധി​ച്ച​ത്.

ഇ​ര​ട്ട​ക്കൊ​ല​ക്ക് സ​ജ്ജ​ൻ കു​മാ​റി​ന് വ​ധ​​ശി​ക്ഷ ന​ൽ​ക​ണ​മെ​ന്ന പ്രോ​സി​ക്യൂ​ഷ​ന്റെ​യും കൊ​ല്ല​പ്പെ​ട്ട​വ​രു​ടെ കു​ടും​ബ​ത്തി​ന്റെ​യും ആ​വ​ശ്യം കോ​ട​തി ത​ള്ളി.

സ​ജ്ജ​ൻ​കു​മാ​റി​ന്റേ​ത് വ​ധ​ശി​ക്ഷ ന​ൽ​കാ​വു​ന്ന ക്രൂ​ര​മാ​യ കു​റ്റ​കൃ​ത്യ​മാ​ണെ​ന്ന് വ്യ​ക്ത​മാ​ക്കി​യ കോ​ട​തി അ​തോ​ടൊ​പ്പം ശി​ക്ഷ ഇ​ള​വി​ന് അ​ദ്ദേ​ഹ​ത്തെ അ​ർ​ഹ​മാ​ക്കു​ന്ന ചി​ല ഘ​ട​ക​ങ്ങ​ളു​ണ്ടെ​ന്ന് ചൂ​ണ്ടി​ക്കാ​ട്ടി. ജ​യി​ൽ അ​ധി​കൃ​ത​രു​ടെ ഭാ​ഗ​ത്തു​നി​ന്ന് സ​ജ്ജ​ൻ​കു​മാ​റി​നെ​ക്കു​റി​ച്ച് ല​ഭി​ച്ച തൃ​പ്തി​ക​ര​മാ​യ റി​പ്പോ​ർ​ട്ട്, അ​ദ്ദേ​ഹ​ത്തി​ന്റെ ​അ​സു​ഖ​ങ്ങ​ൾ, മാ​ന​സാ​ന്ത​ര​പ്പെ​ടാ​ൻ സാ​ധ്യ​ത എ​ന്നി​വ​യാ​ണ​തെ​ന്ന് കോ​ട​തി അ​ഭി​പ്രാ​യ​പ്പെ​ട്ടു.

ഇ​ന്ദി​രാ​ഗാ​ന്ധി വെ​ടി​യേ​റ്റ് മ​രി​ച്ച​തി​ന് പി​റ്റേ​ന്ന് 1984 ന​വം​ബ​ർ ഒ​ന്നി​ന് പ​ശ്ചി​മ ഡ​ൽ​ഹി​യി​ലെ രാ​ജ് ന​ഗ​ർ നി​വാ​സി​ക​ളാ​യ ജ​സ്വ​ന്ത് സി​ങ്ങി​നെ​യും മ​ക​ൻ ത​​രു​ൺ​ദീ​പ് സി​ങ്ങി​നെ​യും കൊ​ല​പ്പെ​ടു​ത്താ​ൻ ജ​ന​ക്കു​ട്ട​ത്തി​ന് നേ​തൃ​ത്വം ന​ൽ​കി​യ​ത് കോ​ൺ​ഗ്ര​സ് നേ​താ​വാ​യി​രു​ന്ന സ​ജ്ജ​ൻ കു​മാ​ർ ആ​യി​രു​ന്നു​വെ​ന്ന് കോ​ട​തി ചൂ​ണ്ടി​ക്കാ​ട്ടി.

1985 സെ​പ്റ്റം​ബ​ർ ഒ​മ്പ​തി​ന് കേ​സ് ര​ജി​സ്റ്റ​ർ ചെ​യ്തെ​ങ്കി​ലും അ​ന്വേ​ഷ​ണ​ത്തി​ൽ പു​രോ​ഗ​തി​യു​ണ്ടാ​യി​ല്ല. തു​ട​ർ​ന്ന് ന​​രേ​ന്ദ്ര മോ​ദി അ​ധി​കാ​ര​ത്തി​ലേ​റി​യ ശേ​ഷം 2015ൽ ​സി​ഖ് വി​രു​ദ്ധ ക​ലാ​പം അ​ന്വേ​ഷി​ക്കാ​ൻ പ്ര​ത്യേ​ക സം​ഘം രൂ​പ​വ​ത്ക​രി​ച്ചു. 2021ൽ ​കു​റ്റ​പ​ത്രം സ​മ​ർ​പ്പി​ക്കു​ക​യും അ​തേ വ​ർ​ഷം ഏ​പ്രി​ൽ ആ​റി​ന് അ​റ​സ്റ്റി​ലാ​വു​ക​യും​ചെ​യ്തു.

1984ലെ സിഖ് വിരുദ്ധ കലാപവുമായി ബന്ധപ്പെട്ട് മറ്റ് നിരവധി കേസുകളും കുമാർ അഭിമുഖീകരിക്കുന്നുണ്ട്. 2023 സെപ്റ്റംബറിൽ, കലാപത്തിനിടെ സുൽത്താൻപുരിയിൽ സിഖ് സമുദായത്തിൽ നിന്നുള്ള ഏഴു പേരെ കൊലപ്പെടുത്തിയ കേസിൽ ഡൽഹി കോടതി അദ്ദേഹത്തെ കുറ്റവിമുക്തനാക്കിയിരുന്നു. കുറ്റവിമുക്തനാക്കിയതിനെതിരെ ഡൽഹി ഹൈകോടതിയിൽ രണ്ട് അപ്പീലുകളും സുപ്രീംകോടതിയിൽ ഒരു കേസിൽ ശിക്ഷിച്ചതിനെതിരെയുള്ള അപ്പീലും സഹിതം റൂസ് അവന്യൂ കോടതിയിൽ അദ്ദേഹത്തിന് വേറെ കേസും നിലവിലുണ്ട്.

1984ൽ അന്നത്തെ പ്രധാനമന്ത്രി ഇന്ദിരാഗാന്ധിയെ അവരുടെ രണ്ട് സിഖ് അംഗരക്ഷകർ കൊലപ്പെടുത്തിയതിനെ തുടർന്ന് ഡൽഹിയിലും രാജ്യത്തിന്റെ മറ്റ് പ്രദേശങ്ങളിലും വ്യാപകമായ കലാപം പൊട്ടിപ്പുറപ്പെട്ടു. 1984 ജൂണിൽ അമൃത്‌സറിലെ സുവർണ ക്ഷേത്രത്തിൽ തീവ്രവാദികളെ തുരത്താൻ സൈന്യത്തെ വിന്യസിക്കാനുള്ള ഇന്ദിരാഗാന്ധിയുടെ തീരുമാനത്തിന് പ്രതികാരമായിരുന്നു കൊലപാതകം.