കോവിഡ്:​ ഇന്ത്യയിൽ 24 മണിക്കൂറിൽ മരിച്ചത്​ 195 പേർ 

ന്യൂഡൽഹി: ഇന്ത്യയിൽ ആശങ്കയുയർത്തി കോവിഡ്​ ബാധിതരുടെ എണ്ണം കുതിക്കുന്നു. 195 പേരാണ്​ 24 മണിക്കൂറിനിടെ കോവിഡ്​ ബാധിച്ച്​ മരിച്ചത്​. ആദ്യമായാണ്​ ഒരു ദിവസം രാജ്യത്ത്​ ഇത്രയേറെ പേർ മരിക്കുന്നത്​. 

3900 പേർക്കാണ്​ പുതുതായി രോഗബാധ സ്​ഥിരീകരിച്ചത്​. ഇതോടെ ആകെ രോഗ ബാധിതരുടെ എണ്ണം 46,433 ആയി ഉയർന്നു. 1568 ആണ്​ ആകെ മരിച്ചത്​. 12,727 പേർ രോഗമുക്​തരായി. 

മഹാരാഷ്​ട്ര, ഗുജറാത്ത്​, ഡൽഹി എന്നീ സംസ്​ഥാനങ്ങളിലാണ്​ രോഗബാധിതർ കൂടുതൽ. മഹാരാഷ്​ട്രയിൽ കോവിഡ്​ രോഗികളുടെ എണ്ണം 14000 കടന്നു. 583 ആണ്​ മരണനിരക്ക്​. ഗുജറാത്തിൽ 5804 ഉം ഡൽഹിയിൽ 4898 പേർക്കുമാണ്​ രോഗം സ്​ഥിരീകരിച്ചത്. ​