യു.പിയിൽ ബസ്​ അപകടം; 17 യാത്രക്കാർ മരിച്ചു

ലക്​നോ: ഉത്തർ പ്രദേശി​ൽ ബസ്​ മറിഞ്ഞ്​ 17 യാത്രക്കാർ മരിച്ചു. 12 പേർക്ക്​ പരിക്കേറ്റു. മെയിൻപൂർ ജില്ലയിലെ ദൻഹാരയിൽ ഇന്ന്​ രാവി​െലയാണ്​ അപകടമുണ്ടായത്​.  അമിത വേഗതയിൽ വന്ന ബസ്​ ഡിവൈഡറിൽ ഇടിച്ച്​ മറിയുകയായിരുന്നെന്നാണ്​ പ്രാഥമിക നിഗമനം. 

പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചിട്ടുണ്ട്​. പരിക്കേറ്റവരിൽ മൂന്നുപേരുടെ നില ഗുരുതരമാണ്​. ബസ്​ ഡ്രൈവറും പരിക്കേറ്റവരിൽ ഉൾപ്പെടുന്നു. 

സംഭവത്തിൽ യു.പി മുഖ്യമന്ത്രി യോഗി ആദിത്യനാഥ്​ അനുശോചനം രേഖപ്പെടുത്തി. പരിക്കേറ്റവർക്ക്​ ആവശയമായ എല്ലാ ചികിത്​സയും ലഭ്യമാക്കാൻ മുഖ്യമന്ത്രി നിർദേശിച്ചു.