Begin typing your search above and press return to search.
proflie-avatar
Login
exit_to_app
exit_to_app
Vandalising Restaurant
cancel
Homechevron_rightNewschevron_rightIndiachevron_rightപ്രണയദിനത്തിൽ വ്യാപക...

പ്രണയദിനത്തിൽ വ്യാപക അക്രമം; ഭക്ഷണശാല തകർത്തു, ബി.ജെ.പി നേതാവ്​ അറസ്റ്റിൽ

text_fields
bookmark_border

ഭോപാൽ: വാല​ൈന്‍റൻസ്​ ദിനത്തിൽ തുറന്നുപ്രവർത്തിച്ചതിന്​ ഭോപാലിൽ ഭക്ഷണശാല തകർത്തു. ശിവസേന പ്രവർത്തകരുടെ നേതൃത്വത്തിലായിരുന്നു ആക്രമണം. ​

ഭോപാലിൽ അരേര കോളനിയിലെ ഭക്ഷണശാലയിലെത്തിയ സംഘം അവിടത്തെ കസേരയും പ്ലേറ്റുകളും മറ്റു ഉപകരണങ്ങളും നശിപ്പിക്കുകയായിരുന്നു. സംഭവത്തിന്‍റെ സി.സി.ടി.വി ദൃശ്യങ്ങൾ വ്യാപകമായി പ്രചരിച്ചു.

പ്രണയദിനത്തിൽ ഭോപാലിൽ അരങ്ങേറിയ മറ്റൊരു ആക്രമണത്തിൽ മുൻ ബി.ജെ.പി എം.എൽ.എ അറസ്റ്റിലായതായി പി.ടി.ഐ റി​േപ്പാർട്ട്​ ചെയ്​തു. നഗരത്തിൽ നടന്ന രണ്ടു ആക്രമണങ്ങളിലുമായി 17ഓളം പേരാണ്​ ഇതുവരെ അറസ്റ്റിലായതെന്ന്​ പൊലീസ്​ അറിയിച്ചു.

ഹുക്ക ബാറുകൾ യുവാക്കളെ വഴിതെറ്റിക്കുമെന്ന്​ പറഞ്ഞായിരുന്നു മുൻ ബി.ജെ.പി എം.എൽ.എയായ സുരേന്ദ്ര നാഥ്​ സിങ്ങിന്‍റെ നേതൃത്വത്തിൽ ആക്രമണം.

'ഹുക്ക ബാറുകളിലുടെ യുവജനങ്ങളെ മയക്കുമരുന്നിന്​ അടിമയാക്കുകയും ലവ്​ ജിഹാദ്​ പ്രോത്സാഹിപ്പിക്കുമെന്നും വ്യക്തമാക്കി സുരേന്ദ്രനാഥിന്‍റെ നേതൃത്വത്തിൽ നഗരത്തിൽ പരിശോധന നടത്തിയിരുന്നു. ചില യുവാക്കൾ നിരാശയും കോപവും മൂലം വസ്​തുക്കൾക്ക്​ നാശനഷ്​ടം വരുത്തി. ഹുക്ക ബാറുകൾ അടച്ചില്ലെങ്കിൽ കൂടുതൽ നടപടികൾ സ്വീകരിക്കും' -ബി.ജെ.പിയുടെ യുവജന വിഭാഗം നേതാവ്​ അമിത്​ റാത്തോർ പറഞ്ഞു.

സംഭവവുമായി ബന്ധപ്പെട്ട്​ കലാപ ശ്രമത്തിനും മറ്റു കുറ്റങ്ങൾക്കുമായി ബി.ജെ.പി നേതാവ്​ സുരേന്ദ്രനാഥ്​ സിങ്ങിനെയും മറ്റു ആറുപേരെയും അറസ്റ്റ്​ ​ചെയ്​തതായി പൊലീസ്​ ഇൻസ്​പെക്​ടർ തരുൺ ഭാട്ടി പറഞ്ഞു. കോടതിയിൽ ഹാജരാക്കിയ പ്രതികളെ ജുഡീഷ്യൽ കസ്റ്റഡിയിൽ വിട്ടു.

റസ്റ്ററന്‍റ്​ തകർത്ത കേസിൽ ശിവസേന പ്രവർത്തകരായ പത്തുപേരെയാണ്​ അറസ്റ്റ്​ ചെയ്​തത്​. കലാപശ്രമത്തിനൊപ്പം മറ്റു വകുപ്പുകൾ കൂടി ചുമത്തിയാണ്​ കേസ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Shiv senaBhopalValentines DayBJP
News Summary - 17 Arrested For Vandalising Restaurant On Valentines Day In Bhopal
Next Story