രാജ്യത്ത് ആദ്യ ദിനം വാക്സിൻ നൽകിയത് 1.9 ലക്ഷം പേർക്ക്; കേരളത്തിൽ 8062 പേർക്ക്

ന്യൂഡൽഹി: കോവിഡ് വാക്സിനേഷന്‍റെ ആദ്യ ദിനത്തിൽ രാജ്യത്ത് വാക്സിൻ കുത്തിവെപ്പെടുത്തത് 1.9 ലക്ഷം പേർ. വാക്സിൻ എടുത്ത ആരെയും പാർശ്വഫലങ്ങളാൽ ആശുപത്രിയിൽ പ്രവേശിപ്പിക്കേണ്ടി വന്നിട്ടില്ലെന്നും ആരോഗ്യമന്ത്രാലയം വ്യക്തമാക്കി. േകരളത്തിൽ 8062 പേരാണ് വാക്സിൻ എടുത്തത്. ആന്ധ്രപ്രദേശിലാണ് ഏറ്റവും കൂടുതൽ പേർക്ക് വാക്സിൻ നൽകിയത് – 16,963.

പ്രധാനമന്ത്രി നരേന്ദ്ര മോദിയാണ് ലോകത്തെ തന്നെ ഏറ്റവും വലിയ വാക്സിനേഷൻ ഉദ്ഘാടനം ചെയ്തത്. മഹാമാരിക്കെതിരായ പോരാട്ടത്തിൽ മുൻനിരയിലുള്ള ആരോഗ്യ പ്രവർത്തകർക്കും ശാസ്ത്രജ്ഞർക്കും ആദരവ് അർപ്പിച്ചാണ് മോദി വാക്സിനേഷന് തുടക്കമിട്ടത്.

'വാക്​സിൻ എപ്പോൾ എത്തുമെന്നായിരുന്നു എല്ലാവരുടെയും ചോദ്യം. അതിനുള്ള ഉത്തരമാണിത്​. കുറഞ്ഞസമയം കൊണ്ട്​​​ അത്​ എത്തിക്കാനായി. ലോകത്തിലെ ഏറ്റവും വലിയ വാക്​സിനേഷൻ ദൗത്യമാണ്​ തുടങ്ങുന്നത്. വാക്​സിനായി പ്രയത്​നിച്ച ശാസ്​ത്രജ്​ഞരെ അഭിനന്ദിക്കുന്നു. മുന്നണി പോരാളികളുടെ വാക്​സിനേഷൻ ചെലവ്​ കേന്ദ്രം വഹിക്കും​' -ഉദ്​ഘാടന ചടങ്ങിൽ പ്രധാനമന്ത്രി രാജ്യത്തെ അഭിസംബോധന ചെയ്​തുകൊണ്ട്​ പറഞ്ഞു.

കോവിഷീല്‍ഡ് വാക്‌സിനാണ് രാജ്യത്തെ രജിസ്റ്റർ ചെയ്​ത ആരോഗ്യപ്രവർത്തകർക്ക്​ നല്‍കുന്നത്. കേരളത്തിൽ​ 133 കേ​ന്ദ്ര​ങ്ങ​ളി​ലാണ് വാ​ക്‌​സി​നേ​ഷ​ന്‍​. എ​റ​ണാ​കു​ളം ജി​ല്ല​യി​ല്‍ 12ഉം ​തി​രു​വ​ന​ന്ത​പു​രം, കോ​ഴി​ക്കോ​ട് ജി​ല്ല​ക​ളി​ല്‍ 11 വീ​ത​വും കേ​ന്ദ്ര​ങ്ങ​ളാ​ണു​ള്ള​ത്. മ​റ്റു ജി​ല്ല​ക​ളി​ല്‍ ഒ​മ്പ​തു​വീ​ത​വും. ര​ജി​സ്​​റ്റ​ർ ചെ​യ്ത ആ​രോ​ഗ്യ​പ്ര​വ​ർ​ത്ത​ക​ർ​ക്ക് മാ​ത്ര​മാ​ണ് ഇ​പ്പോൾ വാക്​സിൻ നൽകുക.

വാ​ക്‌​സി​ന്‍ ന​ല്‍കാ​ന്‍ ഒ​രാ​ള്‍ക്ക് നാ​ലു​മു​ത​ല്‍ അ​ഞ്ചു മി​നി​റ്റ് വ​രെയാണ്​ സ​മ​യ​മെ​ടു​ക്കുന്നത്​.​ ഓരോ വ്യക്തിക്കും 0.5 എം.എല്‍ കോവിഷീല്‍ഡ് വാക്‌സിനാണ് നല്‍കുന്നത്. ആദ്യ ഡോസിന്​ 28 ദിവസം കഴിഞ്ഞാണ് അടുത്ത ഡോസ് നല്‍കുക. രണ്ടു ഡോസും എടുത്താലേ ഉദ്ദേശിച്ച ഫലം ലഭിക്കൂ.

വാ​ക്‌​സി​നേഷൻ ക​ഴി​ഞ്ഞാ​ല്‍ 30 മി​നി​റ്റ് നി​ര്‍ബ​ന്ധ​മാ​യും നി​രീ​ക്ഷ​ണ​ത്തി​ലി​രി​ക്ക​ണം. ചെറിയ ബുദ്ധിമുട്ടുണ്ടെങ്കില്‍ പോലും പരിഹരിക്കും. അടിയന്തര ചികിത്സക്കായി എല്ലായിടത്തും എ.ഇ.എഫ്.ഐ കിറ്റ് ഒരുക്കിയിട്ടുണ്ട്​. ആംബുലന്‍സ് സേവനവും ലഭ്യമാണ്​. ചെറുതും വലുതുമായ എന്തെങ്കിലും പാര്‍ശ്വഫലങ്ങള്‍ ഉണ്ടായാല്‍ പരിഹരിക്കാനുള്ള നടപടി അപ്പോള്‍തന്നെ സ്വീകരിക്കാനാണ് 30 മിനിറ്റ് നിരീക്ഷണം നിര്‍ബന്ധമാക്കുന്നത്. എ​ല്ലാ കേ​ന്ദ്ര​ത്തി​ലും വെ​ബ്കാ​സ്​​റ്റിങ്ങും​ ഏ​ർ​പ്പെ​ടു​ത്തിയിട്ടുണ്ട്​.