Begin typing your search above and press return to search.
proflie-avatar
Login
exit_to_app
exit_to_app
pubg
cancel
Homechevron_rightNewschevron_rightIndiachevron_rightപബ്​ജി കളിക്കാൻ 16കാരൻ...

പബ്​ജി കളിക്കാൻ 16കാരൻ ചെലവഴിച്ചത്​ 10 ലക്ഷം; മാതാപിതാക്കൾ ശകാരിച്ചതോടെ വീടുവിട്ടിറങ്ങി

text_fields
bookmark_border

മുംബൈ: 16കാരൻ പബ്​ജി കളിക്കാനായി മാതാവിന്‍റെ അക്കൗണ്ടിൽനിന്ന്​ ചെലവഴിച്ചത്​ 10 ലക്ഷം രൂപ. മാതാപിതാക്കൾ ശകാരിച്ചതോടെ വീടുവിട്ടിറങ്ങിയ കുട്ടിയെ ഒടുവിൽ പൊലീസ്​ കണ്ടെത്തി തിരികെ കൊണ്ടുവന്നു.

മുംബൈയുടെ പടിഞ്ഞാറൻ പ്രാന്തപ്രദേശമായ ജോഗേശ്വരിയിലാണ്​ സംഭവം. ഓൺലൈൻ ഇടപാടുകളിലൂടെയാണ്​ പബ്ജി കളിക്കാനായി പത്ത്​ ലക്ഷം ചെലവഴിച്ചത്​. ഇതറിഞ്ഞ മാതാപിതാക്കൾ ശാസിച്ചതിനെ തുടർന്ന് വീട്ടിൽനിന്ന് കുട്ടി ഓടിപ്പോയി. വ്യാഴാഴ്ച ഉച്ചയോടെ കുട്ടിയെ അന്ധേരിയിലെ മഹാകാളി ഗുഹ പ്രദേശത്ത് കണ്ടെത്തി വീട്ടിലേക്ക്​ തിരികെ കൊണ്ടുവന്നതായി പൊലീസ്​ അറിയിച്ചു.

മകനെ കാണാനില്ലെന്ന്​ കാണിച്ച്​ ബുധനാഴ്ച വൈകുന്നേരം പിതാവ് എം.ഐ.ഡി.സി പൊലീസ് സ്റ്റേഷനെ സമീപിച്ചതോടെയാണ് സംഭവം പുറത്തറിയുന്നത്. കുട്ടി പ്രായപൂർത്തിയാകാത്തതിനാൽ, തട്ടിക്കൊണ്ടുപോകലിന് പൊലീസ് കേസ് രജിസ്റ്റർ ചെയ്യുകയും തിരച്ചിൽ ആരംഭിക്കുകയും ചെയ്തു.

അന്വേഷണത്തിനിടെ, കഴിഞ്ഞ മാസം മുതൽ പബ്​ജി ഗെയിമിന്​ അടിമയാണെന്ന് കുട്ടിയുടെ മാതാപിതാക്കൾ പൊലീസിനെ അറിയിച്ചു. ഐഡിയും ഗെയിം കളിക്കാൻ വെർച്വൽ കറൻസിയും ലഭിക്കാനാണ്​ മാതാവിന്‍റെ ബാങ്ക് അക്കൗണ്ടിൽനിന്ന് 10 ലക്ഷം രൂപ ചെലവഴിച്ചത്​.

ഇതിന്‍റെ പേരിൽ ശകാരിച്ചതിനെ തുടർന്ന് കത്ത് എഴുതിവെച്ചാണ്​ വീടുവിട്ടിറങ്ങിയത്​. സൈബർ സെല്ലിന്‍റെ സഹായത്തോടെ കുട്ടിയെ കണ്ടെത്തിയ ക്രൈംബ്രാഞ്ച്, കൗൺസിലിങ്ങിന്​ ശേഷമാണ്​ മാതാപിതാക്കളോടൊപ്പം വിട്ടത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:pubg
News Summary - 16-year-old spends Rs 10 lakh to play Pub G; He left home after his parents scolded him
Next Story