Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightബലാത്സംഗത്തിനിരയായ...

ബലാത്സംഗത്തിനിരയായ വിവരം നാട്ടുകാരറിഞ്ഞതിൽ മനംനൊന്ത് 16കാരി തീകൊളുത്തി മരിച്ചു

text_fields
bookmark_border
ബലാത്സംഗത്തിനിരയായ വിവരം നാട്ടുകാരറിഞ്ഞതിൽ മനംനൊന്ത് 16കാരി തീകൊളുത്തി മരിച്ചു
cancel

പട്‌ന: കൂട്ടബലാത്സംഗത്തിനിരയായ വിവരം നാട്ടുകാരറിഞ്ഞതോടെ മനംനൊന്ത്​ 16കാരി തീകൊളുത്തി ആത്മഹത്യചെയ്​തു. മുസഫർപൂരിൽ ജനുവരി മൂന്നിന് നാല് യുവാക്കൾ ചേർന്ന്​ ബലാത്സംഗം ചെയ്ത പെൺകുട്ടിയാണ്​ മാനഹാനിയെ തുടർന്ന്​ ജീവനൊടുക്കിയത്​. കേസിൽ മൂന്ന് പേരെ ബുധനാഴ്ച പൊലീസ്​ കസ്റ്റഡിയിലെടുത്തു.

സംഭവത്തിന്​ ശേഷം മകൾ അസ്വസ്​ഥയായിരുന്നുവെന്നും വിവരം ഗ്രാമവാസികൾ അറിഞ്ഞതോടെ മനംനൊന്ത്​ ജീവനൊടുക്കുകയായിരുന്നുവെന്നും പിതാവ്​ പറഞ്ഞു. കിടപ്പുമുറി അകത്തുനിന്ന്​ പൂട്ടി സ്വയം തീകൊളുത്തുകയായിരുന്നു. തീ ആളിപ്പടരുന്നത്​ കണ്ട്​ വാതിൽ തകർത്ത്​​ ബന്ധുക്കൾ അകത്ത്​ കടന്നെങ്കിലും രക്ഷിക്കാനായില്ല.

അതിനിടെ, പൊലീസിൽ അറിയിക്കാതെ മൃതദേഹം പെ​ട്ടെന്ന്​ സംസ്​കരിക്കാൻ പെൺകുട്ടിയുടെ കുടുംബത്തിനുമേൽ നാട്ടുകാർ സമ്മർദം ചെലുത്തിയതായി സാരയ്യ എസ്​.ഡി.പി.ഒ രാജേഷ് കുമാർ ശർമ പറഞ്ഞു. വിവരമറിഞ്ഞ്​ ഫോറൻസിക് വിദഗ്ധരടക്കം സ്​ഥലത്തെത്തി മൃതദേഹം കണ്ടെത്തിയ മുറിയിൽനിന്ന്​ സാമ്പിളുകൾ ശേഖരിച്ചു.

പ്രദേശവാസിയായ യുവാവ്​ പെൺകുട്ടിയുടെ സ്വകാര്യ ഫോ​ട്ടോകൾ സുഹൃത്തുക്കൾക്ക്​ ചോർത്തി നൽകിയതായി പ്രാഥമികാന്വേഷണത്തിൽ തെളിഞ്ഞു. മറ്റ് പ്രതികൾക്കായി തെരച്ചിൽ ഊർജിതമാക്കിയതായും പൊലീസ്​ അറിയിച്ചു.

Show Full Article
TAGS:rape crime against girls Muzaffarpur suicide 
Web Title - 16-year-old rape victim from Muzaffarpur sets herself ablaze
Next Story