Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_right16 കാരൻ ജുവനൈൽ ഹോമിൽ...

16 കാരൻ ജുവനൈൽ ഹോമിൽ തൂങ്ങി മരിച്ച നിലയിൽ; 10 അന്തേവാസികൾ രക്ഷപെട്ടു

text_fields
bookmark_border
Bihar correction home
cancel
camera_alt

representational image

പട്​ന: 16കാരനെ ജുവനൈൽ ഹോമിൽ തൂങ്ങിമരിച്ച നിലയിൽ കണ്ടെത്തി. ബിഹാറി​െല ഭോജ്​പൂർ ജില്ലയിലെ ജുവനൈൽ ഹോമിലാണ് പെൺകുട്ടിയെ തട്ടിക്കൊണ്ടുപോയ കേസിൽ പ്രതിയായ​ ആൺകുട്ടിയെ ശുചിമുറിയിൽ തൂങ്ങിമരിച്ച നിലയിൽ കാണപ്പെട്ടത്​. കുട്ടി മരിച്ച തക്കത്തിന്​ 10 അന്തേവാസികൾ രക്ഷപെട്ടതായി സൂപ്രണ്ട്​ അറിയിച്ചു. എന്നാൽ കൗമാരക്കാരന്‍റെ മരണം കൊലപാതകമാണെന്ന്​ കുടുംബം ആരോപിച്ചു.

കസ്റ്റഡി മരണത്തിൽ ഭോജ്​പൂർ ജില്ല മജിസ്​ട്രേറ്റ്​ റോഷൻ കുശ്​വാഹ അന്വേഷണം പ്രഖ്യാപിച്ചു. ബക്‌സർ ജില്ലയിലെ ടൗൺ പൊലീസ് സ്റ്റേഷന്പരിധിയിലാണ്​ മരിച്ച കുട്ടിയുടെ വീട്​. ഒക്ടോബർ ആറിനാണ്​ ടൗൺ പൊലീസ് സ്​റ്റേഷന്‍ പരിധിയിലുള്ള ധൻപുരയിലുള്ള ജുവനൈൽ ഹോമിലേക്ക് കുട്ടിയെ കൊണ്ടുവന്നത്​.

'രാത്രി 7.30 ഓടെ അത്താഴത്തിന്​ മുമ്പായി അന്തേവാസികളുടെ എണ്ണം എടുത്തു. എല്ലാ അന്തേവാസികളും അത്താഴത്തിന് മെസ്സിലെത്തി. അത്താഴം കഴിച്ചതിനുശേഷം കുട്ടി ഒന്നാം നിലയിലെ ശുചിമുറിയിലേക്ക് പോയി. വാതിൽ അകത്തുനിന്ന് പൂട്ടി തൂവാല ഉപയോഗിച്ച്​ തൂങ്ങിമരിച്ചു' -ഭോജ്​പൂർ ചൈൽഡ്​ പ്രൊട്ടക്ഷൻ യൂനിറ്റ്​ അസിസ്റ്റന്‍റ്​ ഡയരക്​ടർ ബിനോദ്​ കുമാർ ഠാക്കൂർ പറഞ്ഞു. മരിച്ച കുട്ടി മുമ്പ്​ ഫിനോയിൽ കുടിച്ച്​ ആത്മഹത്യ ശ്രമം നടത്തിയിരുന്നതായി ഠാക്കൂർ കൂട്ടിച്ചേർത്തു.

രക്ഷപെട്ട കുട്ടികളുടെ മാതാപിതാക്കളെ അറിയിച്ചിട്ടുണ്ടെന്നും ഇവരെ പിടികൂടാനായി തെരച്ചിൽ ശക്തമാക്കിയതായും ഠാക്കൂർ പറഞ്ഞു.

കാമുകിയുടെ കൂടെ ഡൽഹിയിലേക്ക്​ ഒളിച്ചോടിയതായിരുന്ന കൗമാരക്കാരനെ ബന്ധുക്കൾ പിടികുടി പൊലീസിൽ ഏൽപിക്കുകയായിരുന്നു. പെൺകുട്ടിയുടെ ബന്ധുക്കളാണ്​ പരാതി നൽകിയത്​. സ​േഹോദരന്‍റെ ശരീരത്തിൽ മർദനമേറ്റതിന്‍റെ പാടുകൾ ഉണ്ടായിരുന്നതായി സഹോദരൻ പറഞ്ഞു. ബക്​സർ പൊലീസിന്‍റെ അനാസ്​ഥ കാരണമാണ്​ തന്‍റെ മകന്‍റെ ജീവൻ നഷ്​ടമാകാൻ കാരണമെന്ന്​ കൗമാരക്കാരന്‍റെ അമ്മ ആരോപിച്ചു. ഒളിച്ചോട്ട കേസ്​ അവർ സത്യസന്ധമായി അന്വേഷിച്ചിരുന്നെങ്കിൽ വിധി ഇതാകുമായിരുന്നില്ലെന്ന്​ അവർ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Bihar Juvenile Homeinmates missingsuicide
News Summary - 16 year old kills self in Bihar correction home 10 inmates escape
Next Story