യു.പിയിൽ 16കാരിയുടെ ബാങ്ക്​ അക്കൗണ്ടിൽ എത്തിയത്​ 10 കോടി

ലഖ്​നോ: ഉത്തർപ്രദേശിലെ ബാലിയയിൽ 16 കാരിയായ പെൺകുട്ടിയുടെ ബാങ്ക്​ അക്കൗണ്ടിലേക്ക്​ എത്തിയത്​ 10 കോടിയോളം രൂപ. പ്രധാനമന്ത്രിയുടെ ഭവന നിർമാണ പദ്ധതിക്ക്​ വേണ്ടി സരോജ എന്ന കൗമാരക്കാരിയുടെ പേരിൽ തുടങ്ങിയ ബാങ്കിൽ അക്കൗണ്ടിലാണ്​ ദിവസങ്ങൾക്ക്​ മുമ്പ്​ 10 കോടിയോളം രൂപ എത്തിയത്​.

പ്രധാൻമന്ത്രി ആവാസ്​ യോജനക്ക്​ കീഴിൽ വീട്​ നിർമാണത്തിന്​ അപേക്ഷിക്കാൻ രണ്ടു വർഷം മുമ്പ്​ സരോജയുടെ ആധാർ കാർഡും ഫോ​േട്ടാഗ്രാഫും നിലേഷ്​ കുമാർ എന്ന വ്യക്തിക്ക്​ കൈമാറിയിരുന്നു. തുടർന്ന്​ 2018ൽ ഇവർ അലഹബാദ്​ ബാങ്കി​െൻറ ബാൻസ്​ദിഹ്​ ബ്രാഞ്ചിൽ അക്കൗണ്ട്​ തുടങ്ങി. ഇത​ുവരെ 20,000 രൂപവരെയാണ്​ സരോജ​യുടെ അക്കൗണ്ടിൽ നിക്ഷേപിക്കുകയും പിൻവലിക്കുകയും ചെയ്​തിട്ടുള്ളത്​.

തിങ്കളാഴ്​ച ബാങ്കിലെത്തിയ സരോജയോടെ അവരു​െട അക്കൗണ്ടിൽ 9.99കോടി രൂപ ബാലൻസ്​ ഉണ്ടെന്ന്​ അറിയിക്കുകയായിരുന്നു. തുടർന്ന്​ ഇവർ ബൻസ്​ദിഹ്​ പൊലീസ്​ സറ്റേഷനിൽ പരാതി നൽകി.

പ്രധാൻമന്ത്രി ആവാസ്​ യോജനക്ക്​ അപേക്ഷിക്കാൻ ആവശ്യപ്പെട്ട്​ സരോജയെ വിളിച്ച നിലേഷ്​ കുമാറിന്​ ആധാർ കാർഡ്​ ഉൾപ്പെടെയുള്ള വിവരങ്ങൾ നൽകിയതായി അവർ ​െപാലീസിനെ അറിയിച്ചു. എന്നാൽ അതേ നമ്പറിൽ പൊലീസ്​ ബന്ധപ്പെടാൻ ശ്രമിച്ചെങ്കിലും ഫോൺ സ്വിച്ച്​ ഒാഫായിരുന്നു. സംഭവത്തിൽ കേസ്​ രജിസ്​റ്റർ ചെയ്​തതായി പൊലീസ്​ അറിയിച്ചു.

ഇൗ വാർത്തയുടെ നിജസ്ഥിതി അന്വേഷിച്ച ഡി.എൻ.എ ഫാക്ട്​​ ചെക്​ വിഭാഗം പെൺകുട്ടിയുടെ അക്കൗണ്ടിൽ നിലവിൽ 5000 രൂപ മാത്രമാണുള്ളതെന്ന്​ കണ്ടെത്തി.10 കോടിയുടെ ഇടപാട്​ നടന്നില്ലെന്നും ഒരു തവണ 17 ലക്ഷം രൂപ ഇൗ അക്കൗണ്ടിലേക്ക്​ വന്നിട്ടുണ്ടെന്നുമാണ്​ കണ്ടെത്തൽ.