തുടർച്ചയായി പബ്​ജി കളിച്ചു; ഹൃദയാഘാതത്തെ തുടർന്ന്​ വിദ്യാർഥിക്ക്​ മരണം​

ഭോപാൽ: ആറ്​ മണിക്കൂർ തുടർച്ചയായി പബ്​ജി ഗെയിം കളിച്ച വിദ്യാർഥി ഹൃദയാഘാതത്തെ തുടർന്ന്​ മരിച്ചു. മധ്യപ്രദേശി ലെ നീമച്​ നഗരത്തിലാണ്​ സംഭവം നടന്നത്​. 16 കാരനായ ഫുർഖാൻ ഖുറേശിയാണ്​ മരിച്ചത്​. തുടർച്ചയായി പബ്​ജി കളിച്ചതിനെ തു ടർന്ന്​ തറയിലേക്ക്​ തളർന്ന്​ വീഴുകയായിരുന്നു.

വീഴ്​ച സംഭവിച്ചതിന്​ ശേഷം ഫുർഖാൻ കൂടെ ഓൺലൈനായി കളിച്ച സഹകള ിക്കാരോട്​ ദേഷ്യപ്പെട്ട്​ സംസാരിച്ചിരുന്നതായി കൂടെയുണ്ടായിരുന്ന സഹോദരി പറഞ്ഞു. ‘അയാൻ നീ കാരണമാണ്​ ഞാൻ കളിയിൽ തോറ്റുപോയത്​. നിൻെറ കൂടെ ഞാൻ ഇനി കളിക്കില്ല. ഇങ്ങനെ​ പറഞ്ഞ്​ ഫോണും ഹെഡ്​സെറ്റും വലിച്ചെറിഞ്ഞതായും സഹോദരി പറഞ്ഞു.

യുവാവിനെ ഉടൻ തന്നെ ആശുപത്രിയിൽ എത്തിച്ചെങ്കിലും അവിടെ വെച്ച്​ മരണം സ്ഥിരീകരിക്കുകയായിരുന്നു. നീന്തൽതാരമായിരുന്ന ഫുർഖാൻെറ ഹൃദയം ആരോഗ്യപൂർണ്ണമായിരുന്നുവെന്ന്​ ഡോക്​ടർമാർ പറഞ്ഞു. എന്നാൽ ഗെയിം നൽകുന്ന അമിത ആവേശവും പരാജയപ്പെടു​േമ്പാഴുള്ള ഉത്​കണ്​ഠയുമാവാം ഹൃദയാഘാതം സംഭവിച്ച്​ മരണത്തിന്​ കാരണമായതെന്ന്​ അവർ അറിയിച്ചു. കുട്ടികൾ ഇത്തരം ഗെയിമുകളിൽ നിന്ന്​ വിട്ട്​ നിൽക്കണമെന്നും ഡോക്​ടർ നിർദേശിച്ചു.

പബ്​ജി ഗെയിമിന്​ അടിമയായിരുന്ന ഫുർഖാൻ സുഹൃത്തുക്കൾക്കൊപ്പമാണ്​ ഗെയിം കളിക്കാറുള്ളത്​. ചില ദിവസങ്ങളിൽ സഹോദരൻ തുടർച്ചയായി 18 മണിക്കൂറോളം ഗെയിം കളിച്ചിരുന്നതായി അനുജൻ മുഹമ്മദ്​ ഹാഷിം പറഞ്ഞു. താനും പബ്​ജി ഗെയിം തുടർച്ചയായി കളിക്കാറുണ്ടായിരുന്നു. ഈ സംഭവത്തോടെ ഗെയിം ഫോണിൽ നിന്ന്​ നീക്കം ചെയ്​തതായി ഹാഷിം കൂട്ടിച്ചേർത്തു.