Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമത ട്രസ്റ്റുകളുടെ 80...

മത ട്രസ്റ്റുകളുടെ 80 ശതമാനം സ്വത്ത്​ കോവിഡ്​ പ്രതിരോധത്തിന്​; ഉത്തരവിടാൻ മോദിക്ക്​ 15കാര​െൻറ കത്ത്​

text_fields
bookmark_border
മത ട്രസ്റ്റുകളുടെ 80 ശതമാനം സ്വത്ത്​ കോവിഡ്​ പ്രതിരോധത്തിന്​; ഉത്തരവിടാൻ മോദിക്ക്​ 15കാര​െൻറ കത്ത്​
cancel

ന്യൂഡൽഹി: രാജ്യത്തെ മത ട്രസ്റ്റുകള്‍ അവരുടെ സ്വത്തി​​െൻറ 80 ശതമാനം കോവിഡ് 19 പ്രതിരോധ പ്രവര്‍ത്തനങ്ങള്‍ക്ക്​ നല്‍കാന്‍ ഉത്തരവിടണമെന്നാവശ്യപ്പെട്ട് 10ാം ക്ലാസുകാരൻ പ്രധാനമന്ത്രി നരേന്ദ്രമോദിക്ക് കത്തെഴുതി. ഡെറാഡൂണ്‍ സ്വദേശിയായ അഭിനവ് ശര്‍മ എന്ന 15 വയസുകാരനാണ്​ കത്തെഴുതിയത്.

ലോകം മുഴുവന്‍ കൊവിഡ് മഹാമാരിയുടെ ഭീതിയിലാണ്​. വൈറസ്​ വ്യാപനം നിയന്ത്രിക്കുന്നതിന്​ സാമൂഹിക അകലം പാലിക്കാൻ രാജ്യത്ത് 21 ദിവസത്തെ ലോക്ക് ഡൗണ്‍ പ്രഖ്യാപിച്ചിരിക്കുകയാണ്​. ഇന്ത്യപോലുള്ള ജനസംഖ്യയേറിയ വികസ്വര രാജ്യത്ത്​ ഇത്തരം അടച്ചുപൂട്ടലുകൾ വലിയ പ്രതിസന്ധിയാണ്​ സൃഷ്​ടിക്കുന്നത്​. ദശലക്ഷക്കണക്കിന്​ കുടിയേറ്റ തൊഴിലാളികളും ഭിക്ഷക്കാരും കൂലവേലക്കാരും വീടില്ലാത്തവരും ഒറ്റ രാത്രി​കൊണ്ട്​ ജീവിതമാർഗമേതുമില്ലാതെയായി. ലോക്​ഡൗൺ നീട്ടിയാൽ അവർ എങ്ങനെ ജീവിക്കും.

ഇൗ സാഹചര്യം പരിഗണിച്ച്​ ദുരിതം അനുഭവിക്കുന്നവരെ സഹായിക്കാൻ മത ട്രസ്റ്റുകളോട് അവരുടെ കയ്യിലുള്ള 'ദൈവത്തി​​െൻറ സ്വത്തി​​െൻറ 80 ശതമാനം നിര്‍ബന്ധമായും പ്രധാനമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യാന്‍ ഉത്തരവിടണം. ദൈവത്തി​​െൻറ സന്തതികളെ സംരക്ഷിക്കുന്നതിന്​ ഈ പണം ഉപയോഗിക്കുന്നതിൽ ദൈവത്തിന് സന്തോഷമേ ഉണ്ടാകൂ എന്ന കാര്യത്തിൽ തനിക്കുറപ്പുണ്ടെന്നും 15കാരന്‍ കത്തില്‍ പറയുന്നു.

നമ്മുടെ പ്രധാനമന്ത്രി പറഞ്ഞിട്ടുണ്ട്​ സാമൂഹിക അകലം പാലിക്കൽ മാത്രമാണ്​ ഇപ്പോൾ നമ്മെ വൈറസിൽ നിന്നും രക്ഷിക്കുക എന്ന്​. അതുകൊണ്ട്​ ലോക്​ഡൗൺ ഇനിയും നീട്ടുമെന്നാണ്​ ഞാൻ വിശ്വസിക്കുന്നത്​. എന്നാൽ അത്​ ജനങ്ങളെ ബാധിക്കാതിരിക്കാൻ പ്രത്യേക ക്രമീകരണങ്ങൾ ഒരുക്കേണ്ടതുണ്ടെന്നും അഭിനവ്​ നിർദേശിച്ചു. കോവിഡ്​ 19 മഹാമാരി ചൈനയിൽ പൊട്ടിപ്പുറപ്പെട്ടത്​ മുതൽ താൻ അതിനെ കുറിച്ച്​ പഠിച്ചുവരികയാണെന്നും കത്തിൽ പറയുന്നുണ്ട്​. അഭിനവി​​െൻറ മാതാപിതാക്കള്‍ ആരോഗ്യമേഖലയിലാണ് ജോലിചെയ്യുന്നത്.

abhinav's-letter-to-modi
അഭിനവ്​ മോദിക്ക്​ എഴുതിയ കത്ത്​

Show Full Article
TAGS:covid 19 viral posts letter to Modi india news 
News Summary - 15-year-old asks PM Modi to order all religious trusts to donate 80% of 'God's wealth-india news
Next Story