ഓരോ ഗ്രാമത്തിൽ നിന്നും 15 പേർ; വിളവെടുപ്പ്​ കാലത്തും സമരം ശക്​തമാക്കാൻ കർഷകർ

ന്യൂഡൽഹി: വിളവെടുപ്പ്​ കാലത്തും ഡൽഹി അതിർത്തികളിലെ സമരം സജീവമാക്കി നിർത്താൻ കർഷകർ. വിളവെടുപ്പിനായി കർഷകർ സ്വന്തം ഗ്രാമങ്ങളിലേക്ക്​ മടങ്ങു​േമ്പാൾ സമരത്തിന്‍റെ തീവ്രത കുറയാതിരിക്കാനാണ്​ നടപടി. വിളവെടുപ്പ്​ കാലത്ത്​ ഓരോ ഗ്രാമത്തിൽ നിന്നും 15 ​േ​പരെ എത്തിച്ച്​ സമരം ശക്​തമാക്കാനാണ്​ കർഷകരുടെ നീക്കം.

സമരം നടക്കുന്ന ഗാസിപൂർ അതിർത്തിയിൽ മാത്രം 4,000 മുതൽ 5000 ആളുകളെ ആവശ്യ​മുണ്ടെന്ന്​ കർഷക സംഘടന നേതാവ്​ ഗുർമീത്​ സിങ്​ പറഞ്ഞു. ഞങ്ങളെ സമര സ്ഥലത്ത്​ നിന്ന്​ മാറ്റാൻ സർക്കാർ പരമാവധി ശ്രമിക്കും. ഇത്​ മുന്നിൽ കണ്ട്​ തന്നെയാണ്​ ഒരുക്കങ്ങൾ നടത്തുന്നത്​. 24 മണിക്കൂറിനുള്ളിൽ ഒരു ലക്ഷം ആളുകളെ സമരസ്ഥലത്ത്​ എത്തിക്കാനാവുമെന്നും ഗുർമീത്​ സിങ്​ പറഞ്ഞു.

ഇന്ത്യയിലെ പല സംസ്ഥാനങ്ങളിൽ വിളവെടുപ്പ്​ കാലം വരികയാണ്​. വടക്കൻ ഉത്തർപ്രദേശിലും ഉത്തരാഖണ്ഡിലെ താരായി മേഖലയിലും കരിമ്പിന്‍റെ വിളവെടുപ്പ്​ കാലമാണ്​ വരാൻ പോകുന്നത്​. കരിമ്പ്​ വിളവെടുത്ത്​ സമീപത്തെ മില്ലുകളിലെത്തിക്കാൻ വലിയ രീതിയിലുള്ള മനുഷ്യാധ്വാനം ആവശ്യമാണ്​. യു.പിയിലേയും ഉത്തരാഖണ്ഡിലേയും കർഷകർ വിളവെടുപ്പിനായി പോകു​േമ്പാഴുള്ള വിടവ്​ നികത്തുന്നതിനാണ്​ ഓരോ ഗ്രാമത്തിൽ നിന്നും 15 പേർ എന്ന ക്രമീകരണം ഏർപ്പെടുത്തുന്നതെന്ന്​ കർഷക സംഘടന നേതാക്കൾ പറഞ്ഞു​.