Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightയു.പിയിൽ 48...

യു.പിയിൽ 48 മണിക്കുറിനിടെ 15 ഏറ്റുമുട്ടലുകൾ; ഒരാൾ കൊല്ലപ്പെട്ടു

text_fields
bookmark_border
യു.പിയിൽ 48 മണിക്കുറിനിടെ 15 ഏറ്റുമുട്ടലുകൾ; ഒരാൾ കൊല്ലപ്പെട്ടു
cancel

ന്യൂഡൽഹി: ഉത്തർപ്രദേശിൽ കഴിഞ്ഞ 48 മണിക്കുറിനിടെ പൊലീസ്​ നടത്തിയത്​ 15 എറ്റുമുട്ടലുകൾ. ഇതിൽ ഒരാൾ കൊല്ലപ്പെട്ടുവെന്നും 24 കുറ്റവാളികളെ അറസ്​റ്റ്​ ചെയ്​തുവെന്നാണ്​ വിവരം. മുസാഫർനഗർ, ഗോരഖ്​പൂർ, ബുലാന്ദഷർ, ഷാമിലി, ഹാപുർ, മീറത്ത്​​, ഷരാൻപുർ, ബാഗപാട്ട്​, കാൻപുർ, ലഖ്​നോ എന്നിവടങ്ങളിലാണ്​ പൊലീസ്​ നടപടി ഉണ്ടായത്​. ക്രിമിനലുകളിൽ നിന്ന്​ ആയുധങ്ങൾ, പണം, ആഭരണങ്ങൾ, കാർ തുടങ്ങിയവ പിടിച്ചെടുത്തുവെന്ന്​ വിവരമുണ്ട്​.

നിരവധി ക്രിമിനൽ കേസുകളിൽ പ്രതിയായ ഇന്ദ്രപാലാണ്​ ഏറ്റുമുട്ടലിൽ കൊല്ലപ്പെട്ടത്​. ഇയാൾക്കെതിരെ 33 കേസുകൾ നിലവിലുണ്ടെന്ന്​ പൊലീസ്​ അറിയിച്ചു.യു.പി പൊലീസി​​​െൻറ ക്രിമിനൽ ലിസ്​റ്റിൽ ഉൾപ്പെട്ടവർക്ക്​ നേരെയാണ്​  നടപടി എടുത്തതെന്ന്​ പൊലീസ്​ ഡയറക്​ടർ ജനറൽ ഒ.പി സിങ്​ പറഞ്ഞു. ഇതിൽ പലരുടെയും തലക്ക്​ സർക്കാർ 15,000 രൂപ മുതൽ 50,000 രൂപ വ​െര വിലയിട്ടിരുന്നു. അത്യാവശ്യ ഘട്ടത്തിൽ മാത്രം ബലം​പ്രയോഗിച്ചാൽ മതിയെന്ന്​ പൊലീസിന്​ നിർദേശം നൽകിയിരുന്നതായും സിങ്​ പറഞ്ഞു.

ബി.ജെ.പി ഭരിക്കുന്ന സംസ്ഥാനങ്ങളിൽ നടന്ന ഏറ്റുമുട്ടലുകൾ പലപ്പോഴും വിവാദമാകാറുണ്ട്​. ഇത്തരത്തിൽ നടന്ന പല ഏറ്റുമുട്ടലുകളും വ്യാജമാണെന്ന്​ ആരോപണമുണ്ടായിരുന്നു. ബി.ജെ.പി പ്രസിഡൻറ്​ അമിത്​ ഷാ ഉൾപ്പടെ പല നേതാക്കൾക്കെതിരെയും ഇത്തരം കേസുകളിൽ ആരോപണം നിലനിൽക്കുന്നുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:encountermalayalam newsUP policeYogi Adityanath
News Summary - In UP, 15 encounters in 48 hours as Yogi cracks whip on law and order-India news
Next Story