ആട്​ മോഷ്​ടാവെന്ന്​ ആരോപിച്ച്​ ദലിത്​ യുവാവിന്​ ​ക്രൂരമർദനം; 15 പേർ അറസ്റ്റിൽ

ജയ്​പൂർ: രാജസ്​ഥാനിൽ ആട്​ മോഷ്​ടാവെന്ന്​ ആരോപിച്ച്​ ദലിത്​ യുവാവിനെ ക്രൂരമായി മർദിച്ച 15പേർ അറസ്റ്റിൽ. രാജസ്​ഥാനിലെ ബിൽവാര ജില്ലയിൽ ദിവസങ്ങൾക്ക്​ മുമ്പാണ്​​ സംഭവം.

മോഷ്​ടാവെന്ന്​ ആരോപിച്ച്​ യുവാവിനെ ക്രൂരമായി മർദിക്കുകയും അപമാനിക്കുകയുമായിരുന്നു. സംഭവത്തി​െന്‍റ ദൃശ്യങ്ങൾ സമൂഹമാധ്യമങ്ങളിൽ വൈറലായതോടെയാണ്​ അറസ്റ്റ്​.

യുവാവിനെ ഗ്രാമവാസികൾ മർദിച്ചശേഷം മരത്തിൽ കെട്ടിയിടുകയായിരുന്നു. കെട്ടിയിട്ടതിന്​ ശേഷവും വടികൊണ്ട്​ ക്രൂരമായി മർദിച്ചു. മർദിക്കുന്നതോടെ വേദനകൊണ്ട്​ യുവാവ്​ ​അലറുന്നതും ​താൻ ആടിനെ മോഷ്​ടിച്ചി​ട്ടില്ലെന്ന്​ പറയുന്നതും കേൾക്കാം. ഇതോടെ ഗ്രാമവാസികൾ റെയിൽവേ ട്രാക്കിൽ എറിയുമെന്ന്​ യുവാവിനെ ഭീഷണിപ്പെടുത്തുന്നതും കേൾക്കാം.